Россияда янги туғилган чақалоққа Владимир-Путин деб исм қўйилди

Россиянинг Нижневартовск шаҳрида янги туғилган чақалоққа Владимир Путин исми қўйилди. Бу ҳақда “нв86.ру” хабар берди.

Хабарга кўра, Владимир-Путин Гошгарович 2024 йил 9 февралда туғилган. Ота-онаси ўғил фарзанд кутаётганини билгач, унга бу исмни беришга қарор қилган.

“Ватан учун кўп иш қилган президентимиз ҳеч қачон унутилмаслиги учун ўғлимга шундай исм қўйишга қарор қилдим”, — дейди чақалоқнинг отаси.

Чақалоқ вазни 4,1 килограмм, бўйи эса 56 сантиметр. У ва онаси ўзларини яхши ҳис қилмоқда. Боланинг оиласи уни Путин деб чақирмоқда.

^{Фото: “нв86.ру”}
2014 йил Сурияда чақалоққа Владимир Путин исми қўйилган эди.
Сурия армиясида хизмат қилувчи ҳарбий хизматчи бу орқали Путинга мамлакат ҳудудида терроризм билан курашда кўрсатаётган ёрдами учун миннатдорлик билдирмоқчи бўлган.
Бундан аввалроқ эса Мисрда туғилган чақалоққа Путин исми берилган.

Янгиликлар