Россия АҚШ сенаторини террорчилар рўйхатига киритди

^{Фото: Getty Images}
20 февраль куни Россия ҳукумати америкалик сенатор Линдси Гремни террорчилар ва экстремистлар рўйхатига киритди. Бу ҳақда “ТАСС” нашри хабар берди.

Россияга қарши позицияси билан танилган сенатор Грем бир неча бор Кремлни АҚШ тузган терроризмга ҳомийлик қилувчи давлатлар рўйхатига қўшишга чақирган эди. У Россияга қарши санкцияларни кучайтиришнинг турли вариантларини ҳам таклиф қилиб келган.

Сенатор Линдси билан бирга, собиқ экологик ҳаракат фаоли Евгения Чирикова ҳам “қора рўйхат”га киритилган. Чирикова Россияда хорижий агент сифатида тан олинган. Ҳозирда у Россиядан ташқарида истиқомат қилади.

2023 йилнинг май ойида Украина томони Гремнинг президент Владимир Зеленский билан учрашувда русларнинг ўлими “АҚШ сарфлаган энг яхши сармоя” эканлигини айтиб ўтган видеони эълон қилган эди. Россия президенти матбуот котиби Дмитрий Песков бу сўзларни “Қўшма Штатлар учун шармандалик” деб атаган. Россия Ташқи ишлар вазирлиги матбуот котиби Мария Захарова эса россияликларга нисбатан ўлим билан таҳдид қилиш Америка Қўшма Штатларида азалдан одатий амалиётга айланиб бўлганини айтган. “Замин” янгиликларини “Telegram”да кузатиб боринг