Жон Кирби: “Навалнийнинг ўлимига президент Путин ва унинг ҳукумати масъул экани аниқ”

^{Фото: Reuters}
АҚШ Миллий хавфсизлик кенгаши матбуот котиби Жон Кирби Оқ уй 23 февраль куни Алексей Навалнийнинг ўлими ва Украинадаги урушнинг икки йиллиги муносабати билан Россияга қарши йирик санкциялар тўпламини эълон қилган. Бу ҳақда Reuters хабар берди.

“Россия қандай воқеани айтишга қарор қилса ҳам, Навалнийнинг ўлимига президент Путин ва унинг ҳукумати масъул экани аниқ”, — деди Кирби. Унинг қўшимча қилишича, Қўшма Штатлар Россиядан сиёсатчининг ўлими ҳолати бўйича тўлиқ шаффофликни талаб қилади.

Кирбига кўра, Россия Навалний билан боғлиқ воқеа учун ва Украинадаги ҳаракатлари учун жавобгар бўлиши керак. Матбуот котибининг қўшимча қилишича, янги санкциялар Навалнийнинг ўлими билан боғлиқ бир қанча аниқ чекловларни ҳам ўз ичига олади.

19 февраль куни эрининг ишини давом эттиришини айтган Юлия Навалная Европа Иттифоқини Россиядаги президентлик сайловлари натижаларини тан олмасликка ва сиёсатчининг жасадини қариндошларига топширмаётган Россия расмийларига жавобгарликдан қочишга йўл қўймасликка чақирди. “Замин” янгиликларини “Telegram”да кузатиб боринг