Фото: Видеодан кадр
Буюк Британиядан Қирғизистон, Арманистон ва Ўзбекистонга экспорт қилинаётган дрон ускуналари ва оғир муҳандислик маҳсулотлари кейинчалик Россияга жўнатилмоқда. Sky News ўзининг тегишли таҳлилини эълон қилди.
Таҳлилга кўра, 2022 йил февралида Украинада уруш бошланганидан кейин Британиянинг Россияга экспорти кескин пасайган. Бунгача Британия экспортининг муҳим қисмини автотранспорт ва механизмлар ташкил этган.
Санкциялар киритилгандан сўнг, мазкур товарлар Британиядан Россияга кира олмайди. Аммо Британиянинг даромад ва божхона бошқармаси маълумотлари шуни кўрсатадики, Москва билан яхши алоқада бўлган Грузиядан Ўзбекистонгача бўлган айрим постсовет мамлакатларига экспорт 2022 йилдан бошлаб кескин ошган.
“Британиядан Қирғизистонга экспорт 1100 фоизга ўсгани ниҳоятда ҳайратланарли”, — дейди Sky News иқтисод ва маълумотлар бўлими муҳаррири Эд Конуэй.
Таҳлил Британиянинг яширин иқтисодиётдаги иштирокини кўрсатади, бу эса Россия қуролли кучларини Украинага қарши қўлланилган қуроллар учун эҳтиёт қисмлар ва жиҳозлар билан таъминлашга ёрдам беради.
Санкция режимини бузиш нуқтайи назаридан Британия товарларини бошқа мамлакатлардан Россияга жўнатиш “кулранг зона” ҳисобланади.
“Британия экспортчиларига келсак, улар Қирғизистонга, Арманистонга жўнатади. Кейинчалик бу товарлар потенциал етказиб берилади”.
“Кулранг экспорт” муаммосига дуч келган Европа Иттифоқи урушда рус қуроллари қисмларида аниқланган 45 та “умумий устувор товарлар” рўйхатига эга.
Sky News таҳлили шуни кўрсатадики, ҳужжатларга асосан Британиянинг тўртта Кавказ ва Марказий Осиё давлатларига урушда қўллаш мумкин бўлган товарлар экспорти уруш бошланганидан бери 500 фоиздан кўпроққа ошган.
Британия ҳукумати бунга жавобан санкциялар режимига риоя этилишини таъминлаш устида иш олиб бораётганини билдирди.
“Аммо шуниси аниқки, буни сизиш ёки оддийгина ишламай қолган тизим деб атайсизми, бу товарларнинг катта қисми тўғридан тўғри Буюк Британиядан Россияга кириб келмоқда”, — дейилади хабарда.
Британия уруш бошланганидан бери Россияга қарши қатор санкциялар киритди ва ўтган ҳафта Алексей Навальний вафот этган колониянинг олти қўмондонига нисбатан чекловлар жорий этди. Унинг ўлимига алоқадорлигини рад этувчи Москва буни Британия томонидан “иккиюзламачилик” деб атади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мўғулистонда ҳукуматга қарши норозилик намойишлари бошланди
Зеленский шимолий кореялик жангчилар асирга олинганини маълум қилди
Jeju Air самолётининг қора қутилари 4 дақиқа олдин ёзиб олишни тўхтатган экан
"Наши" асосчиси: Путиннинг муваффақиятсизликларида амалдорлар айбдор!
«Энг кучли» паспортлар рейтинги эълон қилинди. Ўзбекистон нечанчи ўринда?
Олимлар: интернетдаги ботлар иқлим инқирозини кучайтирмоқда
АҚШнинг 2024 йилда юз берган табиий офатлардан кўрган зарари қанчага етди?
Журналистлар ҳалок бўлган 88 минг россиялик ҳарбийларнинг исмини аниқлади
