Жозеп Боррел: Украинадаги урушнинг натижаси яқин орада ҳал қилиниши мумкин

^{Фото: Nachrichtenagentur / IMAGO / Global Look Press}
Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррел фикрича, Украинадаги уруш яқин ойларда ҳал қилиниши мумкин. Бироқ Украина ЕИ томонидан кўпроқ ёрдамга муҳтож, деди у 25 феврал, якшанба куни чоп этилган Испаниянинг El País газетасига берган интервюсида.

«Қаршилик қилиш - ғалаба қозонишдир», деди Боррел. Унинг сўзларига кўра, Европа Иттифоқининг Киевга «фуқаролик, ҳарбий, иқтисодий ва гуманитар ёрдами» Қўшма Штатлар ёрдамидан кўпроқ, аммо Европа Иттифоқи «Украина қаршилик кўрсатишини» истаса, «кўпроқ ва тезроқ ёрдам тақдим этиши» керак.

Европа «уйғониши» шарт

Европа хавфли дунёда яшаётганини англаб етди, деди Европа Иттифоқи дипломатияси раҳбари. Энди у «уйғониши», масъулиятни ўз зиммасига олиши, мудофаа қобилиятини ошириши ва «ҳар қандай вазиятга» тайёр бўлиши керак.

Жозеп Боррелнинг қўшимча қилишича, Европа давлатлари Украинадаги урушда иштирок этмаяпти ва бу улар учун нимани англатишини «тўлиқ тушунмаяпти». «Россия - Навалний каби мухолифатчиларни ёки Европа тупроғида қочқинларни йўқ қилишга қодир режим. Биз унинг Европа остонасида пайдо бўлишини ва жаҳон ғалла бозорининг 36 фоизини назорат қилишини истаймизми?» - деди Европа дипломатияси раҳбари.

Дипломатнинг таъкидлашича, уни европаликлар агар Доналд Трамп АҚШ президентлиги сайловларида ғалаба қозонса, Америка қитъадаги ҳарбий соябонини ёпиши мумкинлигидан қўрқаётгани ташвишга солмоқда. «Биз ёш дунёда қариётган қитъамиз, шунинг учун қўрқув ва ноаниқлик аралашмаси бор», деди Боррел. “Замин” янгиликларини “Telegram”да кузатиб боринг