Путин Украинага қўшин юборадиган давлатларга зарба бермоқчи

^{Фото: veridica.com}
Россия президенти Владимир Путин Украинага қўшин юборадиган давлатлар нишонга олинишидан огоҳлантирди. Бу ҳақда Meduza хабар берди.

Россия президенти шу тариқа Франция президенти Эммануэл Макроннинг баёнотига изоҳ берди. Макрон Европа ва НАТОнинг айрим давлатлари Украинага қўшин юборишини истисно этмаганди. Путин бунга муносабатида Ғарб давлатларининг Россияга қарши олдинги урушларини эслади.

“Улар ҳудудимизга зарба бериш учун нишонларни ўзи танлайди ва НАТО контингентини Украинага юбориш имконияти ҳақида гапира бошлади. Бир пайтлар ўз контингентини мамлакатимиз ҳудудига жўнатганлар тақдирини эслаймиз. Аммо энди бундай аралашувчилар учун оқибатлар янада фожиали бўлади. Улар тушунишлари керакки, бизда ҳам уларнинг ҳудудларидаги нишонларга зарба бера оладиган қуролларимиз бор”, — деди у.

Путиннинг қўшимча қилишича, бу ҳақиқатан ҳам ядро қуролидан фойдаланиш билан боғлиқ конфликтга, жумладан, цивилизацияни йўқ қилишга таҳдид солади. “Замин” янгиликларини “Telegram”да кузатиб боринг