Эрон ташқи ишлар вазири: “Эронда демократия Буюк Британиядагидан кучлироқ”

^{Фото: IRNA}
Эрон ташқи ишлар вазири Ҳусайн Амирабдуллоҳиён Эрон ҳукумати ва тизими халқ қўллаб-қувватловига таянишини таъкидлаб, Эрон Ислом Республикасида демократия ва инсон ҳуқуқлари бугунги кунда ҳеч шубҳасиз Буюк Британиядагидан анча кучли эканлигини маълум қилди. Бу ҳақда IRNA нашри хабар берди.

“Агар Эронда ва айни пайтда Британияда халқ ўз режимини қўллаб-қувватлаши бўйича референдум ўтказилса, шубҳасиз, Британия мағлуб бўлади”, — деган Эрон хорижий идораси вакили.

Эрон ташқи ишлар вазирига кўра, демократия турли минтақаларда турли кўринишларга эга. Ғарб ва Шарқнинг демократия борасидаги тушунчаларини бир-бири билан асло таққослаб бўлмайди.

“Эронда демократия ва инсон ҳуқуқларининг илдизлари бизнинг эътиқодларимиз ва минг йиллик цивилизациямизга бориб тақалади. Мен сизга аниқ айтаманки, бугунги кунда Эрон Ислом Республикасида демократия ва инсон ҳуқуқлари Британиядаги демократия ва инсон ҳуқуқларидан анча кучли. Агар сиз бунга ишонмасангиз, сизни Эронга келишга ва сайловларда фуқароларнинг ўз тақдирини ўзи ҳал қилаётганини кўришга чорлайман”, — деган Ҳусайн Амирабдуллоҳиён. “Замин” янгиликларини “Telegram”да кузатиб боринг