Фото: DVIDS
Испания ва Италия мудофаа вазирлари НАТО қўшинларининг Украинага юборилиши юзасидан баёнот берди. Бу ҳақда Voice оf America хабар берди.
Испания мудофаа вазири Маргарита Роблеснинг айтишича, мамлакат Украинага қўшин юбормайди, чунки у Россия билан конфликтни кучайтирмоқчи эмас.
Биз, аксарият НАТО давлатлари каби, Украинага қўшин юбориш номақбул эканини тушунамиз, чунки бу конфликтнинг кучайишини англатади. Ҳозирда ҳар қандай ҳолатда ҳам кескинлашувнинг олдини олиш керак, — деди у La Vanguardia нашрига берган интервьюсида.
Италия мудофаа вазири Гуидо Кросетто Украина тарафдорлари коалициясини бирликка чақирди ва Рим ҳеч қачон можаро ҳудудига қўшин юбормаслигини таъкидлади.
Ғарб ўзини яхшироқ кўрсатиш учун Украинага НАТО қўшинларини юбориш каби катта баёнотлар беришдан қочиши ва Европада 27 киши бўлганимизда икки ёки уч кишилик учрашувларга бўлиниб кетмасликлари керак, — деди у lа Reppublica газетасига берган интервьюсида.
Италия вазирига кўра, Россия “бирлиги”га қарши туриш учун Европа давлатларига аниқ, мувофиқлаштирилган стратегия ва, эҳтимол, янги коалиция тузиш керак. Италия 2024 йил охиригача қурол-яроғ етказиб беришга ваъда берган.
Кросетто Киевга яна ҳам кўпроқ ўқ-дорилар кераклигини тан олиб, бундай қарорлар Европа Иттифоқи ва НАТО даражасидаги учрашувларда қабул қилиниши кераклигини айтган.
Италия ташқи ишлар вазири Антонио Таяни ҳам Corriere della Sera газетасига берган интервьюсида Италия қўшинларини Украинага юбориш имкониятини инкор этиб, “мақсад урушни кенгайтириш эмас, балки тинчликка эришиш”, эканини таъкидлаган.
15 март куни Оқ уй матбуот котиби Жон Кирби АҚШ НАТОнинг бошқа давлатларининг ўз ҳарбийларини Украина ҳудудига жўнатиш бўйича таклифларига эътироз билдирмаслигини, бироқ ҳар бир давлат бу борада мустақил қарор қилиши кераклигини айтганди.
16 март куни Франция президенти Эммануэл Макрон Украинага Ғарб давлатларидан ҳарбий хизматчилар жўнатилишини яна бир бор истисно қилмаган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Испания ва Греция Киевга Patriot тизимларини етказиб беришдан бош тортди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
Велосипедда сайр қилиш учун 3 сабаб: ёшартиради, оздиради ва умрни узайтиради
