Фото: Google Images
Ғазо секторидаги камида 1,1 миллион киши озиқ-овқат захираларини тугатган ва ҳалокатли очарчилик хавфи остида қолган. Бу ҳақда БМТ бош котиби Антониу Гутерриш Нью-Йоркда Ғазо масаласи бўйича матбуот билан учрашувда айтиб ўтди.
Гутерришнинг айтишича, озиқ-овқат хавфсизлиги бўйича дунёнинг етакчи экспертлари Ғазо шимолидаги очарчиликнинг олдини олиш иложсиз эканлигини маълум қилишган.
“Ғазодаги фаластинликларнинг ярмидан кўпи — 1,1 миллион киши озиқ-овқат захираларини тўлиқ тугатди, уларга ҳалокатли очарчиликка таҳдид солмоқда. Хабарларга кўра, Ғазодаги фаластинликлар даҳшатли азоб-уқубатларни бошдан кечирмоқда”, — деди у.
Шу билан бирга, Гутерриш бу тўхтатилиши мумкин бўлган мутлақо сунъий офат эканлигини таъкидлади.
“Исроил ҳукуматини Ғазога гуманитар юкларнинг тўлиқ ва тўсиқсиз киришини таъминлашга, халқаро ҳамжамиятни эса инсонпарварлик саъй-ҳаракатларимизни ҳар томонлама қўллаб-қувватлашга чақираман”, — дея хулоса қилди Гутерриш.
Аввалроқ Европа Иттифоқи дипломатияси раҳбари Жосеп Боррел Ғазо секторининг минглаб аҳолиси учун очлик аллақачон ҳақиқатга айланганини айтган эди. Унинг сўзларига кўра, анклав билан чегарада бир неча ой давом этадиган озиқ-овқат захиралари тўпланган, бироқ сиёсий сабабларга кўра ёрдам анклавга етиб бормаяпти. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Руслар Abrams танкларининг заиф томонини топишди
Лукашенко Ғарбга таҳдид билан чиқди
Германияда ишлаш истагида бўлган ўзбекистонлик мутахассислар учун немис тили ўргатилади
Ортиқча вазнли инсонлар учун соғлом овқатланишнинг бешта муҳим қоидаси
Зоир Мирзаев “Телефонсиз мактаб”га 300 млн сўм мукофот берди
