Медведев Берлин Путинни президент деб ҳисобламаслик қарорига изоҳ берди

^{Фото: CNN}
Россия Хавфсизлик кенгаши раиси ўринбосари Дмитрий Медведев Германиянинг Россия президенти Владимир Путинни президент деб ҳисобламаслик қарорини шармандали заифлик деб атади.

"Унда савол туғилади, агар зарур қонунийлик бўлмаса, у (Путин) улар учун ким? Ва бундай музокараларнинг нархи қанча? Буларнинг барчаси шармандали заифликдан. Биз сайловларга таъсир қила олмаймиз, натижаларни тан олмаймиз, лекин тартибсизлик қилиш учун биз аҳмоқона баёнот беришимиз керак", — деб ёзган Медведев.

Аввалроқ Россиядаги сайловлардан сўнг Германия ташқи ишлар вазирлиги ўз ҳужжатлари ва баёнотларида Россия президенти Владимир Путинни фақат фамилиясини кўрсатишини айтган эди. Вазирлар Маҳкамаси вакили Кристиан Ҳоффман, ўз навбатида, Германия ҳукумати Путин билан мулоқот қилишга тайёрлигини, бироқ уни сайловидаги ғалабаси билан табрикламаслигини айтган.

"Натижа олдиндан аниқ эди. Нодемократик сайлов бўлди. Қўрқитувчи муҳити бор эди. Россияда сўз эркинлиги йўқ. Мамлакатда ҳозирда диктатура ҳукмрон ва Владимир Путиннинг авторитар бошқаруви остидадир. Канцлер ҳам бу ҳақда гапирганди", — дея қўшимча қилган эди Ҳоффман.

У Украинанинг босиб олинган ҳудудларида ҳам сайлов бўлганини кескин қоралаган. Германия ҳукумати Путинни “президент ёки ҳукмдор” деб атайдими, деган саволга Германия Ташқи ишлар вазирлиги матбуот котиби Себастьян Фишер сўнгги пайтларда департамент ҳеч қандай расмий унвонсиз фақат Путин фамилиясидан фойдаланаётганини айтган. “Замин” янгиликларини “Telegram”да кузатиб боринг