“Толибон” армияси расмийси Покистон билан чегарани кўздан кечирди (фото)

^{Фото: Sputnik}
“Толибон” армияси бош штаб ўринбосари Малийхон Сиддиқ вазиятни текшириш учун Афғонистон ва Покистон чегарасига борди. Бу ҳақда Sputnik хабар берди.

Покистон етти нафар аскари ўлдирилганига жавобан 18 март куни Афғонистоннинг икки вилоятига ҳаво ҳужумлари уюштирган эди. Ҳужумда “Покистон Толибони” нишонга олингани айтилди, бироқ “Толибон” саккиз нафар аёл ва бола ҳалок бўлганини маълум қилди.

Ҳолат юзасидан 20 март куни Малийхон Сиддиқ Пактия вилоятининг Данд Патан туманидаги вазиятни ўрганиш мақсадида Дуранд чизиғида жойлашган ҳарбий хизматчилар лагерларига ташриф буюрган.

^{Фото: Sputnik}
“Биз уруш тарафдори эмасмиз, бироқ ҳудудимизнинг бир қарич ери ўққа тутилса, тажрибали кучларимиз бефарқ қолмай, дарҳол жавоб қайтаради” — деган у.

^{Фото: Sputnik} “Замин” янгиликларини “Telegram”да кузатиб боринг