Фото: Eurasian Research Institute
Хитой Ҳиндистон билан ҳудудий баҳсга АҚШни аралашмасликка чақирди. Кеча, 21 март куни ХХР ТИВ расмий вакили Лин Цзян Хитой оммавий ахборот воситалари учун ўтказилган брифингда баёнот беришича, икки мамлакат ўртасидаги баҳсли ҳудуд масаласининг Вашингтонга тааллуқли ҳеч қандай жойи йўқ.
«Хитой ва Ҳиндистон ўртасидаги чегара делимитацияси якунига етказилгани йўқ. «Цзаннан (Аруначал-Прадешнинг хитойча расмий номи) доим Хитой ҳудуди бўлган. Бу муҳокама қилинмайдиган асосли факт. Хитой-Ҳиндистон чегараси масаласи Хитой ва Ҳиндистон томонидан ҳал қилинади, АҚШга ҳеч қандай алоқадор жойи йўқ», — деди Лин Цзян.
«АҚШ турли усуллар билан бошқа мамлакатларнинг ўзаро баҳсларини қўзғаши ва ўз эгоистик геосиёсий манфаатлари йўлида фойдаланиши яхши маълум», — қўшимча қилди у.
Эслатиб ўтамиз, АҚШ Давлат департаменти матбуот котиби бош ўринбосари Ведант Пателнинг Қўшма Штатлар «Аруначал-Прадешни Ҳиндистон ҳудуди деб тан олиши» ҳақидаги баёнотидан бир неча соат ўтиб, Хитой ташқи сиёсат маҳкамаси жавоб баёнотини берди.
Ҳиндистон Хитойнинг Аруначал-Прадешга ҳудудий даъволарини бир неча марта қайтариб, бу штат мамлакатнинг ажралмас қисми эканини таъкидлаб келади.
Маълумот учун: Аруначал-Прадеш — Ҳиндистон шимоли-шарқида жойлашган тоғли штат. Ҳудуди — 83,73 минг квадрат километр. Аҳолиси — 1,4 млн атрофида, 80 дан ортиқ миллатлар яшайди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Туркияда «Алишер Навоий куллиёти» номли кўргазма очилди
Сунъий идрок кўкрак бези саратонини анъанавий скринингдан яхшироқ аниқлади
Калифорниядаги ёнғин қурбонлари сони 24 нафарга етди (фото)
Словакия бош вазири Украина президентини “тиланчи” деб атади
Урушни якунлаш учун нималар қилиш керак? Трампнинг бўлажак маслаҳатчиси шартларни айтди
Тбилисида намойишчилар судьяларга тухум улоқтиришди (видео)
Украина асирга олинган шимолий кореяликларни сўроқ қилди (видео)
Доналд Трамп ва Владимир Путин учрашуви Швейцарияда ўтиши мумкин