228
Россия омбудсмани: “Дунё Москва яқинидаги теракт ташкилотчиларини топиш йўлида бирлашиши керак”
Фото: “ТАСС”
Россия инсон ҳуқуқлари бўйича комиссари Татьяна Москалкова халқаро ҳамжамиятни Москва яқинидаги Crocus City Hall мажмуасида уюштирилган теракт ташкилотчиларини топиш йўлида бирлашишга чақирди. Бу ҳақда “ТАСС” нашри хабар берди.
“Бугун бутун дунё ҳамжамиятининг бирлашиши, теракт ташкилотчиларини топиш ва уларни тўлиқ жавобгарликка тортиш йўлидаги саъй-ҳаракатлари жуда муҳим”, — деган Москалкова.
Россия омбудсмани, шунингдек, марҳумларнинг оила аъзолари ва яқинларига ҳамдардлик билдирган. “Даҳшатли, қонли теракт”дан жабр кўрганларнинг тезроқ соғайиб кетишини тилаган. Воқеадан жабр кўрганлар ҳукумат эътиборидан четда қолмаслигини маълум қилган.
Инсон ҳуқуқлари комиссари, шунингдек, қанчалик мудҳиш жиноят содир этмасин, ҳужум иштирокчилари ҳам инсон сифатидаги ҳуқуқларидан фойдалана олишлари кераклигини маълум қилган. Тергов жараёнида маҳбусларга куч ишлатишдан тийилишга ундаган.
Маълумот ўрнида, 22 март куни кечки пайт Москва яқинидаги Crocus City Hall мажмуасида теракт содир этилган эди. Россия Тергов қўмитаси маълумотларига кўра, ҳозирда ҳалок бўлганлар сони 137 кишини ташкил этади. Москва вилояти Соғлиқни сақлаш вазирлиги 182 киши жароҳатланганини маълум қилди.
Терактга алоқадорликда гумон қилинган 11 киши, жумладан, Москва жануби-ғарбидаги Брянск вилоятида Украина чегарасини кесиб ўтиб, бошпана излашга уринган тўрт нафар қуролли шахс қўлга олинган. Россия президенти Владимир Путин Crocus City Hall’га ҳужум ортида турганларнинг барчасини аниқлаш ва жазолашга ваъда берган ва 24 мартни қурбонлар учун миллий мотам куни деб эълон қилган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Велосипедда сайр қилиш учун 3 сабаб: ёшартиради, оздиради ва умрни узайтиради
“Толибон” Афғонистоннинг Хост вилоятида беш нафар фуқарони қамчи билан жазолади
Америкалик олимлар барча учун бирдек фойдали жисмоний фаоллик турини аниқлади
Учар автомобил йўловчи билан биринчи парвозини амалга оширди (видео)
Владимир Путин «Крокус»да содир этилган теракт учун ўч олишга чақирди
Германияда ишлаш истагида бўлган ўзбекистонлик мутахассислар учун немис тили ўргатилади
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди