«Крокус»даги терактда айбланаётганлар ўлим жазоси кучда бўлган Беларусда суд қилиниши мумкин

^{Фото: Топор Live / Мария Бутина.}
«Крокус»даги терактда айбланаётганлар ўлим жазоси амалда бўлган Беларусда суд қилиниши мумкин.

Ушланганлар Беларусда суд қилиниши борасидаги музокаралар «тегишли органлар доирасида» олиб борилаётгани ҳақида депутат Мария Бутина «Беларусь 1» телеканали эфирида сўз очди.

Давлат думасининг халқаро ишлар бўйича қўмитаси аъзоси (Мария Бутина) «Крокус»даги терактда Беларуснинг икки фуқароси ҳалок бўлганини айтиб, Минск худди Москва сингари, «суд қилиш борасида бир хил ҳуқуққа эга»лигини таъкидлаган.

«Агар улар ҳозир Россияда ўлим жазосига мораторий киритилганига умид қилиб, бу жазодан қутулиб қолишга уринаётган бўлишса, келинг, пича кутамиз, кўрамиз», — деди депутат. “Замин” янгиликларини “Telegram”да кузатиб боринг