Фото: akorda.kz
Қозоғистонда март ойида бошланган йирик сув тошқинлари республикадаги сўнгги 80 йилдаги энг йирик табиий офатга айланди, деди мамлакат президенти Қосим-Жўмарт Тўқаев. У шанба куни телевидение орқали халққа мурожаат қилди.
«Кўп йиллардан буён кузатилмаган табиий офат юз берди. Балки бу ўз кўлами ва оқибатлари бўйича сўнгги 80 йилдан ортиқ вақтдаги энг йирик офатдир», деб давлат раҳбарининг сўзларидан иқтибос келтиради Оқўрда.
Тўқаевнинг қўшимча қилишича, сув тошқинлари туфайли мамлакатнинг 10 та вилоятида: Абай, Ақмола, Ақтўбе, Атирау, Ғарбий Қозоғистон, Қарағанда, Қўстанай, шунингдек, Павлодар, Шимолий Қозоғистон ва Улитау вилоятларида маҳаллий фавқулодда ҳолат эълон қилинган.
«Вазият қийин, аммо умидсизликка тушмаслик керак. Биз бу ҳолатни тўғирлаймиз, асосийси инсон қурбонларининг олдини олиш. Айтмоқчиманки, сизлардан бирортангиз ҳам давлат эътиборидан четда қолмайди. Барчангизга моддий ва бошқа ёрдам кўрсатилади. Сизнинг барча моддий йўқотишларингиз қопланади», деди Тўқаев жабрланувчиларга мурожаат қилиб.
Президент сўзларига кўра, унинг танқиди ва кўрсатмаларидан сўнг, ҳукумат сув тошқини оқибатларини камайтириш бўйича саъй-ҳаракатларни кучайтирган. Мамлакатда бош вазир бошчилигида штаб тузилган. Расмийлар тошқиндан зарар кўрган ҳудудларга бориб, вазиятни ўрганмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
Эрдўғон бошқа давлатларни Суриядан “қўлларини тортишга” чақирди
Шавкат Мирзиёев «Манчестер Сити» клуби эгаси билан учрашув ўтказди
Асирга тушган украин аскари: “Улар замонавий жанг услубларини билишмайди”
Тожикистондан 20 кгдан ортиқ “опий” моддасини олиб ўтган шахслар ушланди
Исроил ва ҲАМАС Ғазо бўйича келишувга эришди
Грузиянинг собиқ бош вазири дўппосланди