Шимолий Корея ҳар доим алоҳида қизиқиш уйғотган. Аксарият ҳолларда, бу мамлакатга кўчиб ўтиш ва маҳаллий маданиятга сингиб кетиш истаги билан боғлиқ эмас, балки маҳаллий аҳолининг сиёсат таъсирида ўзига хос тарзда шаклланган одатлари ва урфлари билан боғлиқ. Уларнинг хулқ-атвор қоидалари биз ўрганиб қолган қоидалардан шунчалик фарқ қиладики, улар юмшоқ қилиб айтганда, ҳайратланарли.
Телевизорни маълум бир вақтда томоша қилиш
Шимолий Кореяда одамлар маълум бир вақтда телевизор кўришга ўрганиб қолган. Эрталаб ҳеч ким телевизор кўрмайди, томоша қилиш учун ажратилган махсус вақт 15:00 дан 22:00 гача. Дам олиш кунларигина одамларга эрталаб телевизор кўришга рухсат берилади. Шунда ҳам фақат бир нечта давлат каналларини танлаш мумкин, давлат каналларидаги дастурлар синчковлик билан текширилади.
Фақат қора жинси шим кийиш
Машҳур классик кўк жинси шимлар бу ерда бутунлай тренддан чиқиб кетган: кўк жинси бу — империализм рамзи, шунинг учун агар шу рангдаги жинси шим кийсангиз, автоматик равишда душман сиёсатининг тарафдори ва давлат душманига айланасиз.
Фақат жамоат транспорти ёки велосипеддан фойдаланиш
Бир қарашда, бу турмуш тарзи соғлом ва экологик жиҳатдан қулай бўлиб туюлиши мумкин. Дарҳақиқат, кўпчилик мегаполисларда фуқаролар онгли равишда шахсий автомобилдан воз кечади. Аммо Шимолий Кореяда ҳамма ҳам велосипед сотиб ололмайди, шунинг учун бу ерда машина мисли кўрилмаган ҳашаматдир. Иккинчидан, агар машина ҳайдашга рухсатномангиз бўлмаса-ю, лекин автомобиль бошқарсангиз, қамоққа олинасиз.
Муайян стол одоб-ахлоқ қоидаларига риоя қилиш
Кексаларни ҳурмат қилиш Шимолий Корея ҳаётидаги асосий тамойиллардан биридир. Энг кекса вакилсиз бошланган оилавий кечки овқатни тасаввур қилишнинг иложи йўқ. Улар бошлаб бермагунча ҳеч ким овқат емайди. Оиланинг каттаси столдан туриши билан бошқа барча оила аъзолари ўрнидан туради ва у хонани тарк этгандан кейингина ўтиришлари мумкин.
Оёқларни бегона кўзлардан яшириш
Шимолий кореяликлар уйда ҳам ялангоёқ юра олмайди (пайпоқсиз юриш одобсизликнинг энг юқори нуқтасидир). Бошқа оила аъзоларига нисбатан бу ёмон хулқ-атворнинг намоён бўлиши ҳисобланади. Кекса одам билан бир хонада яланг оёқ бўлиш бузуқликнинг энг баланд нуқтаси бўлиб, Шимолий Корея халқи бунга чидаб туролмайди.
Кўчада бошқа одамлардан кечирим сўрамаслик
Бировнинг оёғини босиб олсангиз ёки туртиб юборсангиз, дарҳол узр сўрайсиз — бу одатий ҳол бўлгани учун онгсиз равишда шундай қиласиз. КХДРда бундай одат йўқ, аксинча, бундай бепарволик учун кечирим сўраш бу ерда қабул қилинмайди. Бунинг сабаби бошқани ноқулай аҳволга солиб қўйишни истамасликдир: ахир, кечирим сўраш яна бир узр сўрашга олиб келади.
Совуқ ванна қабул қилиш
Шимолий Корея аҳолиси уйида совуқ ванна қабул қилишга мажбур ва бу уларнинг организм учун фойдали бўлгани учунгина эмас. Ваннани иссиқ сув билан тўлдириш бу ерда ноқонуний ҳисобланади, шунинг учун аҳолида икки вариант қолади: совуқ ҳароратда чўмилиш ёки жамоат ҳаммомларига бориш. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Колумбия президенти Нетаньяхуни ҳибсга олишга чақирди
D витамини дозасини ошириб юборишнинг хавфли оқибатлари
Пентагон майори АҚШ Исроилни қўллаб-қувватлагани учун истеъфога чиқди
Украина ҳарбий бўлинмалари Харкив вилоятидаги янги позицияларга ўтказилди
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Сурхондарё вилоятида айиқ ИИБ ходимига жароҳат етказди
Зеленский Ташқи разведка хизмати раҳбарининг биринчи ўринбосарини алмаштирди
“Рома” Шомуродов учун яна 8 миллион евро харажат қилади!
