Трампнинг собиқ адвокати судда актрисага тўланган пуллар ҳақида маълум қилди

^{Фото: Julia Nikhinson/AP}
Доналд Трампнинг собиқ адвокати Майкл Коэн 13 май, душанба куни Ню-Йорк судида 2016 йилги сайлов кампанияси вақтида ўзи ҳақидаги салбий маълумотларни «сотиб олиш» учун ҳужжатларни қалбакилаштиришда айбланган АҚШ собиқ президентига қарши жиноий иш бўйича асосий гувоҳ сифатида кўрсатма берди. Коэннинг айтишича, Трамп унга актриса Сторми Даниэлсга сукут сақлаши учун пул тўлашни буюрган ва уни унга қайтаришга ваъда берган.

«Шунчаки буни қил», деган гўёки Трамп Коэнга. Унинг сўзларига кўра, Трамп «рафиқаси Мелания ҳақида ўйламаган, хаёли фақат сайлов кампанияси билан бўлган».

Коэннинг сўзларига кўра, у Даниэлсга ўз маблағлари ҳисобидан 130 минг доллар тўлаган ва Трампга топшириқ бажарилгани ҳақида ҳисобот берган, бироқ кейин бу пулни қайтаришни сўрашга тўғри келган ва охир-оқибат унга адвокатлик ҳақи сифатида бўлиб-бўлиб тўлаш ваъда қилинган. Айбловга кўра, пулни қайтариш чоғида Трамп молиявий ҳужжатларни сохталаштирган – 2015 йил августидан 2017 йил декабригача 34 марта. «Сукут сақлаш учун» мўлжалланган тўловларининг ўзи ноқонуний ҳисобланмайди.

«Муаммоли гувоҳ»

Бироқ, ўтмишда ёлғон гапиргани учун фош этилган Коэнни судялар муаммоли гувоҳ сифатида кўриши мумкин, деб хабар берди dpa. Прокурор Сюзен Хоффингер кўрсатмаларни тасдиқлаш учун судга кўплаб ҳужжатларни, жумладан электрон почта ва телефон қўнғироқлари стенограммаларини тақдим этди. Айблов томони Трамп тўловлар билан боғлиқ барча воқеалардан бошидан охиригача хабардор бўлганини ва Даниэлснинг сукутини сотиб олиб, сайлов натижаларига ноқонуний таъсир кўрсатмоқчи бўлганини исботламоқчи.

Ўз навбатида, Трампнинг ҳимояси тўловлардан мақсад бошқача — ўзи ва оиласи обрўсини ҳимоя қилиш бўлганини таъкидламоқда. Доналд Трампнинг ўзи актриса билан яқин муносабатда бўлганини, шунингдек, сайлов фондларидан ноқонуний фойдаланганлик фактларини рад этади.

Бундан ташқари, Коэн ҳакамлар ҳайъатига ўша пайтда президентликка номзод ҳақидаги салбий хабарларни, масалан, Трампнинг алоқалари, шу қаторда бундай материалларни чоп этиш ҳуқуқини сотиб олганини ва кейин буни қилмаганини айтди. Коэн 14 май куни ва эҳтимол яна бир неча кун гувоҳлик беришда давом этади.

АҚШ собиқ президентига қарши биринчи жиноий суд

15 апрел куни актриса Сторми Дэниэлсга пул ўтказмаларини яширганлик иши бўйича Доналд Трампга қарши бошланган суд жараёни АҚШ тарихида мамлакат собиқ президентига нисбатан биринчи жиноий суд ҳисобланади. Даниэлснинг таъкидлашича, у тадбиркор билан 2006 йилда хайрия голф турнирида танишган ва Трампнинг рафиқаси Мелания биринчи марта фарзанд кўрганида у билан яширин яқин муносабатда бўлган. Актриса Доналд Трампнинг 2016 йилги сайловолди кампанияси вақтида фош этиш билан таҳдид қилган.

Бу ишда Дэниэлсдан ташқари, Трамп 2006-2007 йилларда учрашганлиги айтилаётган модел Карен Макдугал ва Трампнинг собиқ уй бекаси билан бўлган муносабати ҳақида билганини даъво қилган Trump Tower меҳмонхонаси собиқ ходими Дино Сажудин ҳам бор. Агар Трамп айбдор деб топилса, унга жами 136 йилгача қамоқ жазоси берилиши мумкин.

Янгиликлар