АҚШ давлат департаменти Путин Шойгуни ишдан олганига муносабат билдирди

^{Фото: “ТАСС”}
Сергей Шойгуни Россия мудофаа вазири лавозимидан олиш қарори Россия президенти Владимир Путиннинг умидсизлигидан далолат беради. Бу ҳақда АҚШ давлат департаменти матбуот котиби Ведант Пателга таяниб, Reuters хабар берди.

"Шундай қилиб, Кремль раҳбари ўз мамлакатини иқтисодий урушга тайёрламоқчи ва мудофаа бюджетидан яхшироқ фойдаланишга ҳаракат қилмоқда", — деди Пател.

У Кремль раҳбари “қон тўкилишини тўхтатиш ниятида эмаслиги”, балки узоқ давом этадиган қарама-қаршиликка ҳозирлик кўраётганини таъкидлади.

"Бизнинг қарашимиз шуки, бу Путиннинг Россия иқтисодининг оғир таназзулга учрашига ва рус қўшинларининг катта йўқотишларига қарамай, Украинага қарши босқинчилик урушини давом эттиришга умидсиз интилишидан далолатдир", — деди у.

11 май куни Путин мудофаа вазири Сергей Шойгуни ишдан олиб, Россия Хавфсизлик кенгаши котиби этиб тайинлади. Шойгу мудофаа вазири лавозимида 12 йил ишлаган. Россиянинг янги мудофаа вазири этиб аввал бош вазирнинг биринчи ўринбосари лавозимида ишлаб келган Андрей Белоусов тайинланади.

Андрей Белоусов 1959 йил 17 мартда туғилган, 1981 йилда Москва давлат университетининг иқтисод факультетини имтиёзли диплом билан тамомлаган. У сўнгги 12 йил давомида иқтисодиёт вазири, президент ёрдамчиси ва бош вазирнинг биринчи ўринбосари лавозимларида ишлаган.

Янгиликлар