Путин: “Россия Ғарб давлатларининг мухолифларини қурол билан таъминлаши мумкин”

^{Фото: AFP}
Россия бошқа давлатларни Ғарб нишонларига ҳужум қилиш учун қурол билан таъминлаши мумкин. Бу ҳақда Россия президенти Владимир Путин маълум қилди.

У, шунингдек, Украинанинг немис қуролларидан Россиядаги нишонларга зарба бериш учун фойдаланиши Берлин ва Москва ўртасидаги муносабатларни бузиши ва “хавфли қадам” бўлишидан огоҳлантирган.

Киевга Ғарб қуроллари етказиб берилишига жавобан Путин Ғарб давлатларининг мухолифларини қурол билан таъминлаши мумкинлиги билан таҳдид қилган.

"Бундай ҳаракатлар якуний бўлади, улар халқаро муносабатларни бутунлай йўқ қилади ва халқаро хавфсизликка путур етказади. Давлатлар Россияга қарши урушда бевосита иштирок этса, биз шунга ўхшаш тарзда ҳаракат қилиш ҳуқуқини сақлаб қоламиз, бу эса жуда жиддий муаммоларни келтириб чиқаради", — дейди Путин Санкт-Петербург иқтисодий форумида.

Журналистлар саволларига жавоб берар экан, Путин АҚШни фақат ўзининг дунёдаги етакчилиги қизиқтираётганини айтган.

Россия раҳбари АҚШ Украина учун эмас, балки ўзининг буюклиги ва дунёдаги етакчилиги учун курашаётгани, ҳеч қандай ҳолатда Россиянинг муваффақиятига йўл қўймоқчи эмаслигини қўшимча қилган. «Замин»ни Telegram’да ўқинг!