12:14 / 10.09.2016
5 560

Исландия дунёда биринчи давлатсиз мамлакатга айланиши мумкин

Исландия дунёда биринчи давлатсиз мамлакатга айланиши мумкин

29 октябрда Исландияда парламент сайловлари бўлиб ўтади. Сайловларда ғалабага 4 йил аввал тузилган Пиратлар партияси даъвогарлик қилмоқда.

Қолган пиратлар каби исландиялик пиратлар ҳам тўлиқ эркинлик ва очиқликни илгари суришади. Пиратлар партияси сайловларга бораётган сиёсий дастурининг бош қисми мамлакат конституциясини унга миллий даражада исталган қарорни қабул қилишда тўғридан-тўғри демократия меъёрларини киритиш мақсадида ўзгартиришдан иборат. Унга кўра кўпчилик амалдорлар ишдан бўшатилади, Исландияда барча масалалар бевосита унинг аҳолиси томонидан турли даражадаги референдумлар орқали ҳал қилинади. Ким мамлакат тақдирига бефарқ бўлмаса, у давлатни бошқаришда "чекланмаган ҳуқуқлар"ни олади. У ёки бу масала бўйича овоз бериш интернет орқали амалга оширилиши эҳтимоли катта. Фуқаролар махсус дастур ёрдамида ҳаттоки қонун лойиҳаларини ҳам таклиф қилишлари мумкин бўлади. Жамоатчилик орасида етарлича қўллаб-қувватлов олган қонун лойиҳалари овоз беришга қўйилади.

Бундан ташқари, партия дастурига тўлиқ сўз эркинлиги ва ахборотни ҳеч қандай чекловларсиз тарқатиш, интернетда муаллифлик ҳуқуқлари институтини йўқ қилиш, гиёҳванд моддаларни декриминаллаштириш, балиқчилик ва банк тармоғини назорат қилувчи жуда бой фуқаролар доирасига солиқларни ошириш кабилар киритилган. Балиқчилик эса умуман аҳоли назоратига берилмоқчи, чунки Исландияда бу соҳа миллий бойлик ҳисобланади.

Пиратлар, шунингдек, мамлакат бюджетини тўлиқ ошкор қилишни режалаштирмоқдалар ва Европа Иттифоқига қўшилишга шошмаяптилар.

Агар Пиратлар партияси ғолиб бўлса, унда бутун дунё амалдор ва депутатларсиз бошқарилувчи биринчи давлатни кўриши мумкин бўлади.

Манба: кун.уз

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Исландия дунёда биринчи давлатсиз мамлакатга айланиши мумкин