Боливияда ҳокимиятни эгаллашга уринган генерал қўлга олинди

^{Фото: latercera.com}
Телеканал эълон қилган кадрлардан кўринишича, генерал Бош штаб биносидан ҳуқуқни муҳофаза қилувчи органлар ходимлари қуршовида олиб чиқилган. Сўнгра у машинага ўтказилиб, олиб кетилган.

Бунгача El Deber нашри хабарига кўра, генералнинг буйруғи билан ҳукумат саройи ҳудудини эгаллаган ҳарбий бўлинмалар исён жойини тарк эта бошлашган.

Ҳарбийлар майдонни тарк этгач, ҳукумат биноси балконидан туриб мамлакат президенти Луис Арсе чиқиш қилган. У генерал Сунига бўлинмаларининг хатти-ҳаоакатларини давлат тўнтаришига уриниг деб баҳолаган ва полицияга “демократияга содиқ қолгани” учун ташаккур билдирган.

Бунгача Арсе исёнкор генерал Сунига ўрнига Хосе Уилсон Санчесни армия бош қўмондони этиб тайинлаган. Боливия армиясининг янги бош қўмондони генерал Сенига яхши қўмондон бўлганини таъкидлаб, “биз ундан аскарларимиз қонини тўкмаслигини сўрадик, бу хато бўлишини айтдик”, деган. Шундан сўнг генералнинг хатти-ҳаракатлари билан тревога қўзғатилган барча ҳарбийларга ўз ҳарбий қисмларига қайтиш учун буйруқ берган.

Los Tiempos нашри маълумотларига кўра, қўлга олинишидан аввал генерал Сунига воқеалар бўйича ўз талқинини айтиб берган. Бўлиб ўтган воқеалардан бироз олдин у президент Луис Арсе билан суҳбатлашган ва президент унда ўзининг халқ орасида машҳурлиги жуда пастлигини айтиб, ҳарбий қўмондонни “ўз рейтингини кўтариш учун нимадир қилиш”га чақирган.

Боливия прокуратураси ҳарбий қўзғалон кўтаришга уриниш ва терроризмда айблаб, генерал Сунигага қарши жиноят иши очган. «Замин» янгиликларини «Вконтакти»да кузатиб боринг