Фото: Getty Images
АҚШнинг собиқ президенти Доналд Трамп CNN телеканали студиясида Жо Байден билан ўтказилган дебат вақтида Украинадаги урушни тўхтатиш бўйича Владимир Путин томонидан қўйилган шартларни «қабул қилиб бўлмас шартлар» деб атади.
Дебат бошловчиси Трампдан Путиннинг Украинадаги урушни тўхтатиш бўйича илгари сурган талабларини мақбул деб ҳисоблайсизми, деб сўраган. «Йўқ, уларни қабул қилиб бўлмайди», — деган Трамп.
«Агар бу урушда етакчимиз бўлганида… У [Байден] барчани ёлғиз қолдирди. У Украинага 200 миллиард доллар ёки ундан кўпроқ пул берди. Бу катта пул. Мен қачондир бунақаси бўлган деб ўйламайман», — деган Трамп.
Унинг сўзларига кўра, АҚШ бу урушга бундай катта маблағни сарфламаслиги керак эди, чунки уни бошлаш ҳам керак эмасди. Трамп Украина президенти Володимир Зеленский АҚШга келиб, «ҳар сафар» бу ердан 60 миллиард долларни олиб кетишини айтган ва уни «буюк савдогар» деб атаган. «Аммо мен уни танқид қилмайман, мен ҳеч нарсани танқид қилмайман», — дея қўшимча қилган Трамп ва сайловда ғалаба қозонгудек бўлса, президентлик офисига боришидан олдин Путин ва Зеленский ўртасидаги можарони ҳал қилишга эришишини айтган.
Шунингдек, Трамп ўз чиқишида америкалик ҳарбийлар қатор сабабларга кўра Байдендан «тоқати тоқ бўлгани», жумладан унинг даврида қўшинлар Афғонистондан олиб чиқилиши муваффақиятсиз кечганидан норози эканини айтиб ўтган. Трампнинг сўзларига кўра, айнан Байден Путинни Украинага бостириб киришга «рағбатлантирган».
«Мен ҳеч қачон ҳаётимда бу қадар бемаъни гапларни эшитмаганман», — деди Байден ўзига сўз берилганида Трампга жавобан.
14 июн куни, Швейцариядаги тинчлик саммитидан бир кун олдин, Россия ТИВда чиқиш қилган Владимир Путин «яна бир аниқ, реал тинчлик таклифи»ни билдирганди. У украин қўшини Донецк, Луҳанск, Херсон ва Запорижжя областларининг маъмурий чегараларини тўлиқ тарк этса ва Украина НАТОга аъзо бўлишдан бош тортган тақдирда, Россия «зудлик билан» ўт очишни тўхтатишини маълум қилган.
Володимир Зеленский Путиннинг «тинчлик таклифи»ни «ишониб бўлмайдиган ултиматум» деб атаган. «Бу худди „Менга Чехословакиянинг бир қисмини беринг ва шу билан барчаси якунланади“ деган Ҳитлернинг гапидек. Аммо йўқ, бу ёлғон эди. Шундан кейин Полша, кейин бутун Европа оккупация қилинганди», — дейди Зеленский.
НАТО бош котиби Йенс Столтенберг Украина эмас, балки Россия ўз қўшинларини Украина ҳудудларидан олиб чиқиши лозимлиги, Путиннинг таклифи эса «яхши ниятдан далолат бермаётгани»ни айтганди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мадримов “даҳшатли жангда” енгилмас Кроуфордни қандай ютиши мумкин?
Қозоғистонлик боксчи Баҳодир Жалолов ҳақида: “Уни нокаутга учратаман”
Еврода кун ўйинлари: Англия ва Испания плей-оффдаги иштирокини бошламоқда
Қозоғистон терма жамоаси бош мураббийи қозоқ тилида берилган саволга норозилигини билдирди
АҚШда футбол майдони ўртасида улкан ўра пайдо бўлди
Виталий Левченко: "Қўрқинчли нарса йўқ, ишлашда давом этамиз"
Россияда йил бошидан буён нархларнинг энг кучли ошиши кузатилмоқда
Миржалол Қосимов: "Бунақа кайфият билан футбол ўйнаб бўлмайди"
