Россияда ниқобни “зудлик билан” тақиқлаш таклиф этилди

^{Фото: Reuters}
Россия Тергов қўмитаси раиси Александр Бастрикин мамлакатда ниқоб кийишни “зудлик билан” тақиқлашга чақирди. Бу ҳақда Deutsche Welle хабар берди.

Бастрикинга Халқаро ёшлар юридик форумида Марказий Осиё давлатларида юзни ёпувчи диний кийим кийиш тақиқлангани айтилган.

“У ерда ниқоб кия олмаганлар бу ерга кўчиб келиб, Россияда кияди”, — деган мурожаатчилардан бири.
У Россияда ҳам худди шундай тақиқни жорий этишни таклиф қилган ва ниқоб ортида “қандайдир террорчилар ҳужайраси ухлаб ётган бўлиши мумкин”лигини айтган.

“Сиз айтган нарсани тақиқлаш бўйича қонунни Давлат думаси қабул қилади. У ерда тақиқланган, бизда эса йўқ. Нега? Мен сабабини билмайман, қонунчи эмасман. Сизнинг фикрингизга қўшиламан зудлик билан буларнинг барчасини тақиқлашимиз лозим”, — дея жавоб берган Александр Бастрикин.

Унинг сўзларига кўра, яқинда Доғистондаги черков ва синагогаларга, шунингдек, Ростов-Дондаги тергов изолятори ходимларига уюштирилган ҳужумлар “террорчилар” томонидан амалга оширилган.

“Улар ҳатто бизнинг ҳудудимизга ўзларининг террор байроғини кўтаришга муваффақ бўлди, шунинг учун Давлат думаси бу ҳодисаларга зудлик билан жавоб бериши керак”, — деди Бастрикин. “Замин” янгиликларини “Одноклассники”да кузатиб боринг