Фото: Reuters
Франция президенти Эммануэл Макрон Исроил бош вазири Биньямин Нетаньяхуни “Ҳизбуллоҳ” билан кескинликнинг олдини олишга чақирди. Бу ҳақда Исроилдаги манбаларга таяниб, Al Arabiya нашри хабар берди.
Манбада айтилишича, 2 июль куни Нетаньяху ва Макрон ўртасида телефон мулоқоти бўлиб ўтган. Мулоқотда томонлар икки мамлакат ҳарбий мудофаа салоҳияти ва ташқи хавфларга қарши туриш тадбирлари тўғрисида мулоҳаза юритган.
Суҳбатда Макрон “Ҳизбуллоҳ” ва Исроил ўртасидаги зиддиятнинг чуқурлашишидан жиддий хавотир билдирган. Байрут ва Тель-Авивнинг манфаатларига жиддий зарар етказадиган навбатдаги кескинликни ҳар қандай йўл билан олдини олиш шартлиги таъкидланган.
Франция президенти можарога барҳам бериш учун барча томонлар дипломатик ечим йўлида тез ҳаракат қилишлари зарурлигини билдирган. Геосиёсий вазият кескинлашган бир пайтда Исроилга иккинчи фронт очмаслик тавсия қилинган.
“Икки давлат раҳбари бу борада олиб борилаётган дипломатик саъй-ҳаракатларни муҳокама қилдилар”, — дейилади Елисей саройи 3 июль куни эълон қилган ҳисоботда.
Макрон, шунингдек, Нетаньяхуни Ғазода, Рафаҳ ёки Хон Юнус яқинида ҳар қандай янги операция бошлаш режасидан воз кечишга чақирган. Янги операциялар Тель-Авив учун вазиятни оғирлаштириши билдирилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина қўшинлари Россия Донбассни эгаллаши учун асосий шаҳарда позициялардан чекинди
Маданият вазири Озодбек Назарбеков кийим дўкони тавсия қилинган роликда кўриниш берди
Аббосбек ва “Вильярреал” масаласига Италиядан қандай муносабат бўлди?
Москвада 32-қават баландлигида ишлаётган кранчи жазирамада вафот этди
Санэпидқўмита: “One Chip Challenge” чипсининг хавфсизлиги текширилмаган
Юнусободда сув қувуридаги авария сабаб айрим кўчаларда транспорт ҳаракати чекланди
Суперлиганинг уч клубига ёзги трансфер ойнаси учун санкция қўлланилди
Исроил Мадримов: Барча менда тажриба етишмаслиги ҳақида гапирмоқда, лекин...
