Макрон Ғарбнинг Фаластин ва Украинадаги “икки хил стандартлари” ҳақида

^{Фото: lemde.fr}
Франция президенти Эммануэл Макрон турли давлатларнинг Фаластин ва Украинадаги можароларга нисбатан икки хил стандарт қўллаётгани тўғрисидаги айбловлари НАТОга “чуқур зиён етказмоқда” деди ва урушларга бир хил ёндашув намойиш этишга чақирди.

Франция етакчисига кўра, Ғарб “икки хил стандартлар” тўғрисидаги айбловларга “қатъий жавоб бериши” керак, айниқса, Ғазо секторида Исроил агрессияси ҳақида гап кетганда: “Бизни Украинадан кўра Ғазога камроқ эътибор бераётганликда айблашмоқда ва бу танқид барчамизга чуқур зиён етказади”, деган у.

“Биз бу гаплар асоссиз эканини намойиш этишимиз керак. Мен буни бу ерда яна бир такрорлайман: биз зудлик билан Ғазода ўт очишни тўхтатиш, гаровда ушлаб турилганларни озод қилиш, урушнинг Ливанга ёйилишининг олдини олиш учун зарур бўлган авж палласини совитиш билан шуғулланишимиз зарур”, - деган Франция етакчиси.

Бир ойча аввалроқ Франция президенти АҚШ президентининг мамлакатга ташрифи доирасида худди шунга ўхшаш баёнот берган эди. Макрон ўшанда ҳам Фаластин ва Украинадаги урушлар масаласида Ғарбда “икки хил стандарт” бўлмаслиги кераклигини таъкидлаган эди.

“Икки хил стандарт бўлмаслиги керак, гарчи дунёда ҳарбий инқирозлар кўп бўлса-да, биз Ғазо секторида ўша принципларни ўша қатъият билан амалга оширмоқдамиз”, - деган эди ўшанда Франция етакчиси.

Макроннинг сўзлари Испания бош вазири Педро Санчесининг НАТО давлатларига Фаластин ва Украинадаги урушларда “икки хил стандарт” билан ёндашувлардан воз кечишга чақируви янграганди.

“Агар биз ўз халқимизга халқаро ҳуқуқни ҳимоя қилаётганимиз сабабли Украинани қўллаётганимизни айтар эканмиз, удди шу ишни Ғазога нисбатан ҳам қилишимиз керак”, - деган Педро Санчес НАТОнинг 75 йиллик юбилейига бағишланган саммитда.

Янгиликлар