Фото: AP / Al Drago
16 июл, сешанба куни Манхэттен федерал суди ҳакамлар ҳайъати демократ сенатор Боб Менендесни порахўрлик, товламачилик ва чет эл агенти сифатида фаолият юритиш каби барча 16 айблов банди бўйича айбдор деб топди. Демократ сенаторлар ва Ню-Жерси губернатори Фил Мерфи Менендесни яна бир бор истеъфога чиқишга чақирди.
Ҳукм эълон қилингандан сўнг, Менендес ҳакамлар ҳайъати қароридан ҳафсаласи пир бўлганини айтди. «Апелляцияда муваффақият қозонишимизга ишончим комил. Мен ҳеч қачон чет эл агенти бўлмаганман. Ҳакамлар ҳайъати қарори АҚШ Сенатининг ҳар бир аъзосини чет эл агенти деб ҳисоблаш мумкинлиги масаласида хавф остида қолдиради», - деди 2023 йил сентябрида Сенатнинг Ташқи алоқалар қўмитаси раиси лавозимидан истеъфога чиққан сиёсатчи.
Прокурор: Менендес «ўз офисини энг юқори нарх таклиф қилганга сотган»
Прокурорларнинг айтишича, 70 ёшли сенатор ва унинг рафиқаси Надин Менендес уч тадбиркордан юз минглаб доллар нақд пул, олтин қуймалари, автомобил ва ипотека тўловларини пора сифатида олган. Бунинг эвазига Менендес миллиардлаб доллар Америка ёрдамини Мисрга йўналтиришга ёрдам берган, у ерда тадбиркорлардан бири ҳукумат билан алоқада бўлган. Прокурорлар, шунингдек, Менендесни яна икки тадбиркорга нисбатан жиноий тергов жараёнига таъсир ўтказишга интилишда айблади.
Ню-Йорк жанубий округи федерал прокурори Дамиан Уилямс журналистларга шундай деди: «Бу фойда учун сиёсат эди. У ўз офисини энг юқори баҳо берувчига сотган йиллар якунига етди».
Менендесга қарши жиноий иш
Сенаторга нисбатан жиноий иш 2022 йил октябр ойида очилган эди. Манхэттен округи прокуратураси уни тергов қилди. 2022 йилда сенаторнинг Ню-Жерсидаги уйини тинтув қилиш чоғида терговчилар 480 минг доллар нақд пул, шунингдек, қиймати 100 минг доллардан ортиқ олтин қуймаларни топдилар.
Бу Менендесга қарши очилган иккинчи коррупция иши. 2015 йилда у ҳашаматли таътиллар, авиачипталар ва сайлов кампанияси учун хайр-эҳсонлар эвазига лоббичилик хизматларини кўрсатишда айбланган. 2017 йилда суд айбловларни олиб ташлади.
Сенатор ҳозирги айбловларни рад этиб, «саҳна ортидаги кучлар» уни «жимжит қилишга ва сиёсий қабрини қазишга» уринаётганини айтди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Селдерей, сабзи ва қанд миқдорини оширувчи кутилмаган бошқа маҳсулотлар
Финал арафасида Англия ва Испания лагерида нималар бўлмоқда?
Россия Шимолий Кореядан олма сотиб олишни бошлайди
Дунёдаги ҳар иккинчи одам кўрликдан азият чекиши мумкин
Ўзбекистонлик таҳлилчилар Трампга суиқасд ҳақида: «Ҳокимият учун кураш фитналарга бой кечади»
Марказлашган энергия таъминотига қарамликдан қандай қутилиш мумкин?
Шимолий Корея дипломати оиласи билан Жанубий Кореяга қочиб кетди
Солиқ тўловчилар учун сунъий интеллект базасида яратилган виртуал ёрдамчи ишга туширилди
