Путин Меркелни 70 ёшлик юбилейи билан табрикламади

^{Фото: Globallookpress}
Россия президенти Владимир Путин Германия собиқ канцлери Ангела Меркел билан алоқани давом эттирмаяпти ва уни Германия ҳукумати собиқ раҳбари 17 июл, чоршанба куни нишонлаган 70 ёшга тўлиши муносабати билан юбилейи юзасидан табрикламади. Бу ҳақда Путиннинг матбуот котиби Дмитрий Песков маълум қилди.

«Мен билишимча, бу борада ҳеч қандай режалар йўқ эди», - дея таъкидлади у Россия президенти Германия собиқ канцлерини табрикладими, деган саволга жавоб бериб.

Dpa маълумотларига кўра, Меркел ва Путин охирги марта 2021 йил охирида собиқ канцлер истеъфога чиқишидан бироз олдин бир-бирларига қўнғироқ қилишган. «Сўнгги йилларда ҳеч қандай алоқа бўлмаган», - дея Песковнинг сўзларидан иқтибос келтиради ТАСС.

Меркел ва Путин ўнлаб марта учрашган

Меркел 2005-2021 йиллардаги ҳокимият даврида Кремл раҳбари билан тахминан 30 марта учрашган. Танқидчилар Меркелни Россияга нисбатан жуда юмшоқликда ва ҳатто Берлиннинг Россия энергетикасига қарамлиги кучайиб бораётганига, 2014 йилдан бери Россиянинг Украинага қарши агрессияси, жумладан Қрим муаммосига қарамай, Москва билан иқтисодий алоқаларни мустаҳкамлашда айблаган. Россиянинг Украинага кенг кўламли ҳужуми бошланганидан сўнг, собиқ канцлер Россия урушини қоралади, аммо аввалги дипломатик саъй-ҳаракатларини ҳимоя қилиш тўғрисида гапирди.

«Бир вақтлар мен Путиннинг хатти-ҳаракати бизни тортаётган ҳозирги вазият олдини олишга ҳар томонлама ҳаракат қилганман, менимча, бу муваффақиятсизликка учрагани уриниш бекор эканини исботламайди», деди у 2023 йилда Лейпцигдаги оммавий суҳбатда. Шу билан бирга, собиқ канцлер бир вақтнинг ўзида Германия мудофаа харажатларини НАТО мақсадига мувофиқ ЯИМ камида икки фоизигача оширишни талаб қилмаганидан афсусда эканлигини билдирди: «Эҳтимол, мен бу борада кўпроқ иш қилишим керак эди». Бироқ, у «хато» сўзини ишлатишдан тийилди. “Замин” янгиликларини “Telegram”да кузатиб боринг