НАТО давлатларига киберҳужум уюштирган хакерлар Испанияда ҳибсга олинди

^{Фото: Getty Images}
Испанияда террорчилик мақсадларида НАТО мамлакатларига киберҳужумлар уюштирганликда гумон қилиниб, уч хакер ҳибсга олинди. Бу ҳақда Испания Ички ишлар вазирлигининг Фуқаролик гвардиясига таяниб, Deutsche Welle хабар берди.

Гумонланувчиларнинг уйларида тинтув ўтказилган. Хабар қилинишича, ҳибсга олиш ишлари Майорка оролида, шунингдек, мамлакат жанубидаги Уэлва ва Севилья шаҳарларида амалга оширилган.

Испания ҳуқуқ-тартибот органларининг таъкидлашича, хакерлар “уруш шароитида Украинапараст позицияни эгаллаган” давлат идоралари, муҳим инфратузилмасига хизмат ҳужумларини рад этишда иштирок этган.

Фуқаролик гвардияси ҳисоботида, шунингдек, ҳибсга олинганлар Россиянинг Украинага қарши уруши бошланганидан кейин пайдо бўлган россияпараст NoName057 (16) хакерлар гуруҳига алоқадор бўлиши мумкинлиги айтилган.

- Гуруҳ ўзининг таъсис манифестида “ғарбий русофобларнинг душманлик ва очиқ аксилроссия ҳаракатларига мутаносиб равишда жавоб беришини” тан олади, - дейди Испания хавфсизлик хизмати вакиллари.

Жорий йилнинг май ойи охирида Европа киберхавфсизлик агентлиги (ЭNISА) раҳбари Йохан Лепассаар AP агентлигига берган интервьюсида 2024 йилнинг биринчи чорагида Европа Иттифоқи инфратузилмасига киберҳужумлар сони икки баравар кўп бўлганини айтган.

Унинг сўзларига кўра, уларнинг кўпчилиги ортида Россия билан алоқадор хакерлар бўлиши мумкин.

- Россия-Украина уруши бошланганидан бери “геосиёсий сабабларга кўра” амалга оширилган компьютер бузғунлари сони доимий равишда ошиб бормоқда, - дейди Лепассаар. “Замин” янгиликларини “Twitter”да кузатиб боринг