Индонезиянинг янги президенти “буюк дўст” Россия билан мустаҳкам алоқалар ўрнатишга ваъда берди

^{Фото: Reuters}
Индонезиянинг янги раҳбари Россия билан алоқаларни кучайтиришга ваъда берди. Бу ҳақда Reuters нашри хабар берди.

Манбада айтилишича, Индонезиянинг сайланган президенти Прабово Субианто Россия етакчиси билан учрашган. Учрашувда икки томон ўртасида мудофаа, энергетика ва таълим соҳаларида ҳамкорликни кучайтиришга келишиб олинган.

Прабово Субианто ҳозирга лавозимига қадар мамлакат мудофаа вазири сифатида фаолият юритган. Эндиликда эса у Жоко Видододан кейинги мамлакат президентига айланади.

“Биз Россияни буюк дўст деб биламиз. Мен бу муносабатларни сақлаб қолиш ва мустаҳкамлашда давом этишни истардим. Тарихимизда биз учун қийин бўлган пайтларда Россия ҳар доим бизга кўп жиҳатдан ёрдам берганини эслаймиз”, деган Индонезия ҳукуматининг янги раҳбари.

Прабово, шунингдек, мудофаа ва атом энергетикаси соҳасидаги ҳамкорликни давом эттиришга хайрихоҳлигини билдирган. У, шунингдек, индонезиялик талабаларни Россияга тиббиёт соҳасини ўрганиш учун юбориш ниятини билдирган.

Кремль матбуот котиби Дмитрий Песков Россиянинг Индонезия билан алоқалари яхшиланаётгани, Жакартанинг “махсус операция”даги роли ошаётганини билдирган. Индонезия ҳукумати урушни тугатиш борасида самарали ечимлар тавсия қилаётгани айтилган. “Замин” янгиликларини “Telegram”да кузатиб боринг