Байден Нетаньяхудан Ғазо ҳақида “бемаъни гапларни тўхтатишни” сўради

^{Фото: Anadolu}
АҚШ президенти Жо Байден Исроил бош вазири Биньямин Нетаньяху билан телефон орқали суҳбат ўтказиб, у Ғазодаги можаро ҳақида унга нотўғри маълумот беришни тўхтатишни сўради.

АҚШ етакчиси, шунингдек, Нетаньяхудан келишув ва сулҳ бўйича берган ваъдасини бажаришини талаб қилди

"Телефон суҳбати чоғида Байден Нетаньяхудан бемаъни гапларни бас қилишни сўради", дейилади телеканал хабарида.

Маълум бўлишича, Байденнинг ғазабига Нетаньяхунинг Исроил ўт очишни тўхтатиш эвазига ҲАМАС билан асирларни қайтариш келишуви бўйича музокараларда олдинга силжиётгани ҳамда яқин орада мулоқотни давом эттириш учун делегация жўнатиши ҳақидаги баёноти сабаб бўлган. Байденга кўра, Нетаньяху ички сиёсий сабабларга кўра музокараларни шунчаки кечиктирмоқда.

The New York Times нашрига кўра, Байден Эронда ҲАМАС етакчиси Исмоил Ҳаниянинг ўлдирилишига жавоб қайтарган. Унинг сўзларига кўра, операция муваффақиятсиз режалаштирилган ва Вашингтон музокараларда якуний нуқтани кутаётган бир пайтда содир бўлган. “Замин” янгиликларини “Одноклассники”да кузатиб боринг