Фото: DPA
Исроил билан эҳтимолий можарога тайёрланаётган Эрон Россиядан ҳарбий ёрдам, жумладан илғор ҳаво ҳужумидан мудофаа тизимларини сўради. Бу ҳақда The New York Times (NYT) ёзди.
Нашр эронлик икки манбага таянмоқда, улардан бири Ислом инқилоби қўриқчилари корпуси (ИИҚК) вакили экани таъкидланмоқда. Уларнинг сўзларига кўра, Москва аллақачон Эронга радарлар ва ҳаво ҳужумидан мудофаа тизимлари учун ускуналар етказиб беришни бошлаган.
NYT бу ҳақда Россия Хавфсизлик кенгаши котиби, собиқ мудофаа вазири Сергей Шойгунинг Эронга ташрифидан кейин ёзди. 5 август куни Шойгу Теҳронда мамлакатнинг янги президенти Масуд Пезешкиён ва Эрон Бош штаби раҳбари генерал Муҳаммад Боқирий билан учрашди. «Биз Эрон билан минтақавий масалалар бўйича тўлиқ ҳамкорликка тайёрмиз», деди Шойгу.
The Jerusalem Post газетасининг ёзишича, АҚШ яқин 48 соат ичида Эроннинг Исроилга ҳужумини кутмоқда. Баъзи бошқа манбаларга кўра, Эрон зарба бериш учун 12 ёки 13 августни танлаши мумкин.
31 июл куни ҲАМАС сиёсий бюроси раҳбари Исмоил Ҳания Теҳрондаги портлаш оқибатида ҳалок бўлди. Эрон қотилликда Исроилни айблади ва қасос олишга ваъда берди. Исроил вазиятга изоҳ беришдан бош тортди.
5 август куни Исроил агар Теҳрон ҳужумга тайёрланаётганига оид далилларни оладиган бўлса, Эронга огоҳлантирувчи зарба бериш имкониятини кўриб чиқаётганини маълум қилди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ислом Каримов: «Сен нимага ўйин қиласан?»
Эрон олий раҳбари Исроилга тўғридан-тўғри ҳужум қилиш ҳақида буйруқ берди
Эрон Исроилга таҳдидлар ортидан ўз ҳаво ҳудудини ёпди
Президент ўзбошимчалик билан эгалланган ер участкалари бўйича қонунни имзолади
ҲАМАСнинг янги етакчиси номи яқин кунларда эълон қилинади
ОАВ: АҚШ ва Исроил Эроннинг зарбасини душанба куни кутмоқда
Эрон Венгрия орқали Исроилга бўлажак ҳужум ҳақида огоҳлантириш юборди
“Ҳизбуллоҳ” ўнлаб ракеталар билан Исроил шимолига ҳужум қилди
