Фото: Reuters
Эрон ва «Ҳизбуллоҳ»га қарши ҳар қандай огоҳлантирувчи зарба Исроил армиясининг ўзи бардош бера олмайдиган минтақавий урушга олиб келади.
Бу ҳақда исроиллик истеъфодаги генерал-майор Ицхак Брикнинг Chanel 12 телеканали тарқатган мақоласида айтилади.
Тел-Авив буни Қўшма Штатлар кўмагисиз амалга ошира олмайди, дейилади «Исроил АҚШга тўлиқ қарам бўлгани ҳолда минтақавий уруш томон шиддат билан ҳаракат қилмоқда» сарлавҳали материалда.
«Кеча Исроил ҳарбийлари учун хавотирли вазиятни ҳали тушунмаган бир қанча одамлар Исроилга жавоб беришдан олдин Эрон ва «Ҳизбуллоҳ»га профилактик зарба бериш зарурлигини билдирди. Афсуски, бу одамлар «Ҳизбуллоҳ» ва Эронга қарши ҳар қандай превентив зарба дарҳол минтақавий урушга олиб келишини ҳисобга олишмаяпти», - дейди муаллиф.
"Агар Исроил олдиндан ҳужум уюштирса, аҳоли пунктлари, электр станциялари, ёнилғи қуйиш шохобчалари, саноат инфратузилмаси ва ҳарбий базалар ҳар куни минглаб ракеталар ва учувчисиз учоқлар томонидан ҳужумга учраган бўларди", деди Брик.
«Исроил ҳарбийлари минтақавий урушга жавоб беришга, мамлакат инфратузилмасини ҳимоя қилишга ёки Эрон, «Ҳизбуллоҳ» ва уларнинг шерикларини мағлуб этиш кучига эга эмас», деди истеъфодаги генерал-майор.
Шу билан бирга, унинг фикрича, Эрон ва «Ҳизбуллоҳ»дан кутилаётган муносабат юмшоқ бўлса, минтақавий уруш эҳтимоли пасаяди.
"Ҳар ҳолда, Исроил армияси минтақавий урушда ёлғиз кураша олмайди, армия ўзи қаршилик кўрсатишга қодир эмас ва у АҚШ ёрдамига муҳтож", дея таъкидлади Брик.
Унинг сўзларига кўра, АҚШ президенти Жо Байден Исроил бош вазири Бинямин Нетаняҳуга Оқ уй розилигисиз бундай қадам қўйилган тақдирда Вашингтон Исроилни қўллаб-қувватламаслигини айтиб, унга зарба йўллашга рухсат бермаган.
«Ўйлайманки, Байден Нетаняҳуга Қўшма Штатлар Эрон ва «Ҳизбуллоҳ»нинг ҳарбий ва иқтисодий объектларига, улар қизил чизиқни кесиб ўтиб, Исроил фуқаролари катта зарар кўрган тақдирдагина ҳужум қилишни қўллаб-қувватлашга тайёрлигини айтди», деди у.
Муаллифнинг ишончи комилки, бундай воқеалар ривожида Америка Қўшма Штатлар Исроилга ёрдам беради, ҳатто бу кенг кўламли минтақавий урушга олиб келса ҳам.
«Аммо, агар Нетаняҳу Байденнинг тавсияларига амал қилишда давом этмаса, биз эҳтимолий урушда ёлғиз қоламиз», деб қўшимча қилди истеъфодаги генерал-майор. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: “Россия қўшинлари махсус операция доирасида Киев ва унинг ортидаги ҳудудларга ҳам етиб бориши керак”
Тез озишга ёрдам берадиган 5 та витамин
Америкаликларнинг катта қисми Исроилни ҳимоя қилиш учун қўшин юборишга қарши
Медведев: Операция энди бошқа нарсалар қатори «Киевни эгаллаш»ни ҳам ўз ичига олиши керак
Эрон Россиядан ҳаво ҳужумига қарши мудофаа тизимларини сўради
Эроннинг Исроилга эҳтимолий зарбаси қайси нишонларга қаратилиши маълум бўлди
Яҳё Синвар ҲАМАСнинг янги раҳбари этиб сайланди
Ортиқча вазндан халос бўлишга тўсқинлик қиладиган мевалар
