Фото: AP
Космик чиқиндиларни кузатиш билан шуғулланувчи айрим ташкилотларнинг маълум қилишича, Хитойнинг Long March 6A ракетаси паст Ер орбитасида парчаланиб, юзлаб бўлаклардан иборат космик чиқиндини ҳосил қилган.
Ракета 6 август куни Тайюан космодромидан 18 та G60 сунъий йўлдошларини орбитага олиб чиқиш учун учирилган — бу Spacecom компаниясининг «Минг елкан» сунъий йўлдош технологиялари гуруҳига кирувчи биринчи парвоз эди. Ушбу лойиҳага кўра жами 1296 та сунъий йўлдош орбитага учирилади. SpaceX компаниясининг Starlink сунъий йўлдошларига рақобатчи сифатида қаралаётган Spacecom доирасида 14 мингга яқин сунъий йўлдош учирилиши мумкин.
Shanghai Spacecom Satellite Technology содир бўлган воқеа юзасидан CNN’нинг сўровига жавоб қайтармаган. АҚШ космик қўмондонлиги, Мудофаа вазирлиги бўлинмаси ракетанинг парчаланиб кетганига оид фактни тасдиқлаган.
«USSPACECOM ҳеч қандай тўғридан-тўғри таҳдидларни аниқламади ва космик соҳанинг хавфсизлиги ҳамда барқарорлигини таъминлаш учун мунтазам режали баҳолашни давом эттирмоқда», — дейди АҚШ Космик қўмондонлиги вакили.
АҚШ Космик қўмондонлиги ракета қолдиқларини кузатишни ва маълумотларни NASA’га тақдим этишни давом этмоқда. «Ушбу ҳолат натижасида бевосида Халқаро космик станцияга хавф кузатилмаяпти», — дейди NASA ходими Роб Маргетта.
Slingshot маълумотларига кўра, ракета Ердан 810 километр баландликда парчаланиб кетган, «унинг қолдиқлари эса паст Ер орбитасидаги хавф туғдириши мумкин». Халқаро космик станцияси Ердан 408 километр баландликда айланади.
Буффало университети Муҳандислик ва амалий фанлар мактаби профессори Жон Л.Крассидиснинг таъкидлашича, парчаланиш содир бўлган баландликдан келиб чиқиладиган бўлса, ракета қолдиқлари бир неча йил давомида ўз жойида қолиб кетади.
LeoLabs маркетинг ва коммуникация директори ўринбосари Виктория Хитга кўра, бу паст Ер орбитасида ракета корпусининг парчаланиб кетишига боғлиқ иккинчи ҳолат. Қайд этилишича, 2022 йил 12 ноябрда Long March 6A ракеталаридан бирининг корпуси паст Ер орбитасида портлаб кетган. Натижада 500 бўлакдан ортиқ космик чиқинди пайдо бўлган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Операция энди бошқа нарсалар қатори «Киевни эгаллаш»ни ҳам ўз ичига олиши керак
Тез озишга ёрдам берадиган 5 та витамин
Ортиқча вазндан халос бўлишга тўсқинлик қиладиган мевалар
Медведев: “Россия қўшинлари махсус операция доирасида Киев ва унинг ортидаги ҳудудларга ҳам етиб бориши керак”
Эроннинг Исроилга эҳтимолий зарбаси қайси нишонларга қаратилиши маълум бўлди
ҲАМАСнинг янги сиёсий раҳбари Яҳё Синвар аслида ким?
Москва вилоятида 15 нафар Ўзбекистон фуқароси қўлга олинди
Ўзбекистон Кубоги. "Навбаҳор" Жиззахда "Сўғдиёна"ни ютди ва ярим финалга чиқди
