Россия Федерацияси Хавфсизлик кенгаши раиси ўринбосари, собиқ президент Дмитрий Медведев Германияга таҳдид қилди.
«Bild» нашри Украина қуролли кучлари томонидан Россиянинг Курск вилоятига уюштирилган ҳужумда Германияда ишлаб чиқарилган камида 3 та «Marder» танкидан фойдаланилгани ҳақида ёзганди. Медведев бунга жавобан Берлинга ҳужум билан пўписа қилди.
«Немисларнинг «Bild» нашри реваншистик руҳда мақола чоп этди. Унда немис танклари Россия заминига қайтгани ҳақида ғурур билан ёзилган. Бунга жавобан биз Россиянинг янги танклари (Берлиндаги) Республика майдонига кириши йўлида қўлимиздан келган барча чораларни кўрамиз», – деб ёзган Россия собиқ президенти.
Германия мудофаа вазири Борис Писториус немис ҳарбий техникаси Украина томонидан Россияга ҳужум учун фойдаланиши бўйича саволга аниқ жавоб бермаган. Бундестагнинг мудофаа қўмитаси раиси Маркус Фабер эса немис ҳарбий техникаси Киевга топширилган вақтдан эътиборан Украина мулкига айланишини айтган.
Аввал хабар берганимиздек, Украина ҳарбийлари 6 август куни Курск вилоятига бостириб кирди. Улар Россия ҳудудига 10 километргача ёриб киргани айтилмоқда. Рус армияси ҳозирга қадар ҳам украиналикларни сиқиб чиқара олмаган.
Кутилмаган ҳужум Россия сиёсий доираларида асабийлик ва саросима туғдирди. Д.Медведевнинг таҳдидли пости ана шу кайфият маҳсулидир. У бунга қадар ҳам баҳсли баёнотлар берган. Жумладан, Москва ядро қуролидан фойдаланиш ҳуқуқига эга эканини бир неча бор писанда қилган.
Сўнгги икки йилда анча совуқлашган Москва ва Берлин муносабати бир ой аввал янада таранглашди. Гап шундаки, НАТОнинг жорий йил 10 июль куни бўлиб ўтган саммитида АҚШ Россиянинг ҳарбий салоҳиятини тийиб туриш ва Шимолий альянс доирасидаги ҳамкорларини ҳимоя қилиш учун Европа бўйлаб, хусусан, Германияга узоқ масофага учувчи ракеталарни жойлаштириш режасини эълон қилди. Таҳлилчилар Германияда «совуқ уруш» давридан буён илк бор Россия ҳудудидаги нишонларга қадар етиб борувчи ракеталар жойлаштирилаётганини таъкидлаган.
Россия президенти Владимир Путин АҚШ ва Германияга «жавоб» ваъда қилган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тез озишга ёрдам берадиган 5 та витамин
Медведев: Операция энди бошқа нарсалар қатори «Киевни эгаллаш»ни ҳам ўз ичига олиши керак
Медведев: “Россия қўшинлари махсус операция доирасида Киев ва унинг ортидаги ҳудудларга ҳам етиб бориши керак”
Ортиқча вазндан халос бўлишга тўсқинлик қиладиган мевалар
Эроннинг Исроилга эҳтимолий зарбаси қайси нишонларга қаратилиши маълум бўлди
Сирдарёда электр тармоқлари корхонаси бошлиғи ўринбосари ушланди
Москва вилоятида 15 нафар Ўзбекистон фуқароси қўлга олинди
Путин Украина қуролли кучларининг Курск вилоятига ҳужуми муносабати билан йиғилиш ўтказди
