Фото: “ТАСС”
Россия Давлат думаси депутати Виталий Милонов Курск ва Белгород вилоятларининг чегарадош туманларидан эвакуация қилинган эркакларга “мужик эканликларини” кўрсатишни ва Мудофаа вазирлиги билан шартнома тузишни таклиф қилди. Бу ҳақда депутат “Инфо24” билан суҳбатда маълум қилди.
Депутатнинг таъкидлашича, Курск вилоятидан эвакуация қилинган фуқаролар, шу жумладан, катта ёшдаги эркаклар ҳам қачон уйга қайтишлари мумкинлиги ҳақида саволлар бермоқда.
“Айнан шу чегара аҳолисига савол: нега улар учун кимдир нимадир қилиши керак, деб ўйлашади? Албатта, бундай нарсалар узоққа чўзилмайди, лекин эркаклар ўз ватанини ҳимоя қилиши кераклигини қанчалик тез тушунса, Курск вилояти учун шунчалик яхши бўлади... Ўйлайманки, бу вилоятдан фақат аёллар, болалар ва қариялар эвакуация қилиниши керак, эркаклар эса мужик эканини кўрсатиши, шартнома имзолаб, ватан ҳимоясига бориши керак”, деди Милонов.
Депутат вилоят аҳолиси “албатта нормал ҳаётга қайтишига” ишонтирди. Бироқ, унинг фикрича, жабрланган ҳудудлардаги эркаклар Россия армияси сафларини тўлдирса, бунга тезроқ эришиш мумкин.
Шунингдек, Милонов ҳозирда ўзи Курск вилоятида эканини айтди. У вазият Россия кучлари назорати остида экани ва жангчилар Украина қўшинларининг Курск ичкарисига киришга уринишларини тўсиб қўйишганини даъво қилди. Ваҳоланки, Украина Хавфсизлик хизмати махсус кучлари вилоятда 102 нафар россиялик ҳарбийни асирга олган. Украина Қуролли кучлари Курск вилоятидаги 28 та аҳоли пунктини назоратга олган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Қатар Ғазо сулҳ битимининг якуний лойиҳасини ҲАМАС ва Исроилга топширди
Эрон ядровий дастурини ривожлантириш учун Россияга махфий миссиялар юборган(ми?)
Матоларни ёниб кетишдан ҳимоялайдиган қоплама ихтиро қилинди
Марк Цукерберг Дональд Трамп билан Флоридадаги вилласида учрашди
Сўров натижалари: Гренландия аҳолиси АҚШга қўшилишни ёқлайдими?
Дания ҳукумати Трампга Гренландия юзасидан қандай таклиф йўллади?
Қуёшда улкан “тешик” пайдо бўлди (фото)
Air Astana авиакомпанияси судда 12 ёшли йўловчига ютқазди