![Япония аэропортида йўқолган қайчи сабаб ўнлаб рейслар бекор қилинди](/uploads/posts/2024-08/xf0001cc7ae_ibvmo2n_klqjdq-op0g-0sjaj0yboksn.webp.pagespeed.ic.3SvLupoLMx.webp)
Фото: Getty Images
Ҳодиса 17 август, шанба куни юз берган. Ҳоккайдо префектурасидаги Янги Титосэ аэропортининг ички рейслар терминалидаги хавфсизлик текширувлари тахминан икки соатга тўхтатилган, оқибатда юзлаб йўловчилар бир муддат қийин аҳволга тушиб қолган. Улар хавфсизлик текширувидан қайта ўтишга юборилгани сабаб учиш залида узун навбатлар ҳосил бўлган.
Масъул ходимлар йўқолган қайчини топишга икки кун уринишди. Қайчи шанба куни топилмаган бўлса-да, хавфсизлик текширувлари ва парвозлар ўша куниёқ қайта тикланди.
Қайчи якшанба куни омборхона ходими томонидан топилди ва чиндан ҳам ўша йўқолган қайчи экани тасдиқлангач, аэропорт расмийлари унинг топилганини эълон қилди.
Рейсларнинг бекор қилиниши ва кечикишидан азият чеккан саёҳатчиларнинг аксарияти Японияда ҳар йили нишонланадиган Бон байрамидан кейин уйга қайтишаётган эди.
Ер, инфратузилма, транспорт ва туризм вазирлиги Ҳоккайдо аэропортларига мурожаат қилиб, ҳодисанинг сабабини аниқлаш ва бундай ҳолатлар қайталанишига йўл қўймасликни сўради.
“Ушбу воқеа омбордаги сақлаш ва бошқариш тизимлари нотўғри олиб борилгани туфайли содир бўлганини тан оламиз. Ҳодиса ўғрилик ёки терроризмга алоқадор бўлиши мумкин эди, раҳбариятнинг тўлиқ хабардорлигини таъминлаш учун бунинг устида яна бир бор ишлаймиз”, – дейилади аэропорт баёнотида.
Х ижтимоий тармоғи фойдаланувчилари аэропортнинг ҳодисага муносабатини олқишлади ва Япониядаги парвозлар хавфсизлигига ишончи ошганини таъкидлади.
Авиация таҳлили билан шуғулланувчи OAG компанияси маълумотларига кўра, Янги Титосэ Япониянинг энг гавжум аэропортларидан бири бўлиб, дунёдаги иккинчи энг йирик ички авиақатнов Токио — Саппоро йўналишига хизмат кўрсатади.
2022 йилда аэропортдан 15 миллиондан ортиқ сайёҳ фойдаланган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Суперлига. "Сўғдиёна" сафарда "Нефтчи"ни йирик ҳисобда мағлуб этди расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Суперлига. "Сўғдиёна" сафарда "Нефтчи"ни йирик ҳисобда мағлуб этди
![Британия дипломати ҳукумат Исроилга қурол сотгани учун истеъфога чиқди расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Британия дипломати ҳукумат Исроилга қурол сотгани учун истеъфога чиқди
![Тошкент шаҳрида қалбаки АҚШ долларларини сотаётган шахслар қўлга олинди расм](/uploads/posts/2024-08/x0d239a4586_dollar-dfswnvj.webp.pagespeed.ic.xQqBrjFFm_.webp)
Тошкент шаҳрида қалбаки АҚШ долларларини сотаётган шахслар қўлга олинди
![Қозоғистон, Ўзбекистон, Қирғизистон ва Тожикистон спортга қанча маблағ сарфламоқда? расм](/uploads/posts/2024-08/xe16114d5ec_v1jihwjxnappg5yvzfucjacvp6zlkoaj.webp.pagespeed.ic.jr9bYw4bEt.webp)
Қозоғистон, Ўзбекистон, Қирғизистон ва Тожикистон спортга қанча маблағ сарфламоқда?
![КХДР ТИВ: Украинанинг Курскга ҳужуми Зеленский режимининг мағлубияти билан якунланади расм](/uploads/posts/2024-08/xd3c3e5fe5b_1496895_001346758_1280x0_80_0_0_96097df5ecb4a70e5152f54bcc92a40a_jpg.webp.pagespeed.ic.f0bMDAJLQV.webp)
КХДР ТИВ: Украинанинг Курскга ҳужуми Зеленский режимининг мағлубияти билан якунланади
![Наманганда фельдшер бош бўлган жиноий гуруҳга ҳукм ўқилди расм](/uploads/posts/2024-08/xbd868ff068_920__95_3934817999.webp.pagespeed.ic.8Lr20VVgSx.webp)
Наманганда фельдшер бош бўлган жиноий гуруҳга ҳукм ўқилди
![Президент бизнес учун тўсиқларни қисқартириш борасида таклифлар берди расм](/uploads/posts/2024-08/x69df180cbf_zzmjjge6krttly-lyiqvb3fz1brd1jak.webp.pagespeed.ic.xLBVPumndb.webp)
Президент бизнес учун тўсиқларни қисқартириш борасида таклифлар берди
![Сомон йўлида Ердан 27 минг марта катта номаълум объект аниқланди расм](/uploads/posts/2024-08/x4fb274cf09_photo_2024-08-20_22-27-04-fwceiymn.webp.pagespeed.ic.drD5dBDXOa.webp)
Сомон йўлида Ердан 27 минг марта катта номаълум объект аниқланди