“Толибон” соқол қўймаган 280 дан ортиқ полициячини ишдан олди

^{Фото: Getty Images}
“Толибон” ҳаракати 2023 йилда соқол ўстириш буйруғига бўйсунмаган ва шу билан ислом қонунларига риоя этмаган 280 дан ортиқ полициячини ишдан бўшатди. Бу ҳақда Reuters хабар берди.

Афғонистон идорасининг йиллик ҳисоботига кўра, ислом қонунлари ва афғон анъаналарига риоя этмаган 13 мингдан ортиқ киши “ахлоқсиз ҳаракатлар” учун ҳибсга олинган, уларнинг ярмидан кўпи жавобгарликка тортилган. Бундан ташқари, 21 минг 328 та мусиқа асбоби йўқ қилиниб, маҳаллий бозорларда сотилган “ахлоқсиз ва номақбул” фильмлар савдосига чек қўйилган.

Таъкидланишича, ҳисоботда аёлларнинг исломий кийиниш қоидаларини бузгани ва эркакларнинг ҳамроҳлигисиз кўчага чиққани учун ҳибсга олинганини кўрсатувчи маълумотлар акс этмаган.

Афғонистонда аёлларга нисбатан жорий қилинган тақиқлар қуйидагилар:
- афғонистонлик аёлларнинг БМТ идораларида ишлаши;
- эркакларга аёллар учун кийим тикиш;
- аёлларнинг эркак шифокорларга бориши;
- аёлларнинг шифохонага ёлғиз бориши;
- аёлларнинг истироҳат боғига ташриф буюриши,
- оилалар ва аёлларнинг боғлари ёки яшил ҳудудлари бўлган ресторанларга кириши,
- аёллар овози эшитилган рекламаларни эфирга узатиш тақиқланган. “Замин” янгиликларини “Telegram”да кузатиб боринг