![Хитой компаниялари Россияга тўғридан-тўғри товар етказиб беришдан бош тормоқда](/uploads/posts/2024-08/x512753ce3e_szeyi0fhyj82ye1dha151ffs_rubzkmn.webp.pagespeed.ic.98x_WubMmf.webp)
Фото: Unsplash
Хитой ва Россия ўртасидаги савдо муносабатлари санкциялар туфайли мураккаблашмоқда: июл ўрталарида хитойлик етказиб берувчилар Россиядан товарларни учинчи давлат орқали олиб чиқиб кетишни талаб қила бошлади.
Аввало, бу ташқи иқтисодий фаолият бўйича тақиқдаги товарларга тааллуқли, масалан, электроника маҳсулотларига. Хитойдаги «Россия таянчлари» АЖ вакили Илон Гошенев-Долунцнинг сўзларига кўра, ушбу рўйхатга кирилмаган товарларнинг ҳам экспорти тақиқланганига боғлиқ ҳолатлар учраган.
«Импая Рус» тижорий компанияси директори Алексей Разумовскийнинг таъкидлашича, аввалига етказиб берувчилар бироз ён бўсган бўлса, ҳозирда вазият қийинласгҳан — айримлари харидорлардан бу қатъий талаб қилиняпти.
Хитой банклари орқали Россия компанияларидан тўловларни қабул қилиш имконига эга бўлмаган етказиб берувчилар товарларни учинчи давлатлар орқали қабул қилиб олишни сўрамоқда. Бундай етказиб берувчилар учун пул олишнинг ягона йўли — бошқа давлатлар орқалидир, шунинг учун товарлар у ерга жўнатилгани тўғрисида ҳужжатлар бўлиши керак.
Таъкидланишича, бизнес муқобил йўлларни қидирмоқда, аммо бу қўшимча харажатларни юзага келтиради — ўртадаги агентларнинг комиссияси ҳам қўшилади. Бу эса ўз навбатида товар тан нархининг ошишига, оқибатда импорт қилинадиган маҳсулотлар ҳажмининг қисқаришига олиб келади.
Хитой ва замонавий Осиё институти директори Павел Кузнецовга кўра, товаларни учинчи давлатлар орқали етказиш схемаси 2022 йилдаёқ ишлаб чиқилган. У Қирғизистондан импорт қилинаётган товарлар ҳажми уч баробарга, Қозоғистондан етказиб беришлар эса 1,5 баробар ортганига эътибор қаратган. Шунингдек, ушбу жараёнларда Жануби-Шарқий Осиё, Туркия ва Форс кўрфази давлатлари ҳам иштирок этмоқда.
Аввалроқ Россия нефт компаниялари асосий харидори — Хитойдан ўз баррелларига бўлган талабнинг кескин камайишига дуч келаётгани тўғрисида хабар берилган эди. Июл охирларига кўра, Россиядан Хитойга нефт етказиб бериш 7,4 фоизга тушиб кетган. Хитой божхона статистикасига кўра, суткасига 1,76 миллион баррел ҳажмдаги нефтнинг етказиб берилиши — камида ўтган йилнинг охиридан бери энг паст кўрсаткич ҳисобланади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Британия дипломати ҳукумат Исроилга қурол сотгани учун истеъфога чиқди расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Британия дипломати ҳукумат Исроилга қурол сотгани учун истеъфога чиқди
![Ўзбекистонда 20 август куни қандай об-ҳаво бўлиши маълум қилинди расм](/uploads/posts/2024-08/xbecdfc9c7f_920__95_4194481678.webp.pagespeed.ic.uCTN4WdrO3.webp)
Ўзбекистонда 20 август куни қандай об-ҳаво бўлиши маълум қилинди
![Суперлига. "Сўғдиёна" сафарда "Нефтчи"ни йирик ҳисобда мағлуб этди расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Суперлига. "Сўғдиёна" сафарда "Нефтчи"ни йирик ҳисобда мағлуб этди
![Хитой АҚШ ва Японияни Жанубий Хитой денгизига аралашгани учун қоралади расм](/uploads/posts/2024-08/xe1fc1490cf_photo_2024-08-18_18-51-03-qwerniiw.webp.pagespeed.ic.a07JNWFn5g.webp)
Хитой АҚШ ва Японияни Жанубий Хитой денгизига аралашгани учун қоралади
![Ҳоким ўринбосари "Навбаҳор"га ҳомийлик учун пул олиб, ўз эҳтиёжига сарфлаб юборгани аниқланди расм](/uploads/posts/2024-08/x3c22f7a492_150waoyh3c5tvgigfbjftqwp8guclej_.webp.pagespeed.ic.nYotB-1NZb.webp)
Ҳоким ўринбосари "Навбаҳор"га ҳомийлик учун пул олиб, ўз эҳтиёжига сарфлаб юборгани аниқланди
![Москвада рейдлардан кейин мигрантларга чақирув қоғозлари тарқатилди расм](/uploads/posts/2024-08/x23750632e5_photo_2024-08-19_08-28-54-ucseewcm.webp.pagespeed.ic.TcEbky2tKP.webp)
Москвада рейдлардан кейин мигрантларга чақирув қоғозлари тарқатилди
![АҚШ давлат котиби: “Исроил Ғазодан қўшинларини олиб чиқишга тайёр” расм](/uploads/posts/2024-08/x6a869cbc78_photo_2024-08-21_18-50-55-njwvyjw7.webp.pagespeed.ic.22u44DO9uP.webp)
АҚШ давлат котиби: “Исроил Ғазодан қўшинларини олиб чиқишга тайёр”
![Исроил пойтахти Тел-Авивда портлаш юз берди расм](/uploads/posts/2024-08/x138c9f5501_3u-jz-zh4fgdleygwoyii2ozbpcvk5ul.webp.pagespeed.ic.OXWSTgifDN.webp)
Исроил пойтахти Тел-Авивда портлаш юз берди