АҚШ: Россия ва Украина бир-бирига қарши йирик ҳужумларни амалга ошира олмайди

^{Фото: AP Photo}
Украина ва Россия бир-бирига қарши кенг кўламли ҳужум операцияларини ўтказиш учун ҳарбий ресурсларга эга эмас. Бу ҳақда Пентагон разведка бошқармасига таяниб, Bloomberg хабар берди.

Разведка бошқармасининг ҳисоб-китобларига кўра, Украинада ҳали ҳам Россиянинг кунига 10 000 га яқин артиллерия ўқларини отиш қобилиятига тенг келадиган ўқ-дорилар мавжуд эмас. Украина кучлари мудофаа операцияларини ўтказишга қодир, аммо камида олти ой давомида кенг кўламли қарши ҳужумларни ўтказа олмайди.

Бошқа томондан, Россия Украинани йўқ қилиш стратегиясини қабул қилган ва ўз қўшинлари томонидан қўлга киритилган буфер зонани ушлаб туриши мумкин, аммо “Украина назорати остидаги ҳудудга чуқурроқ кириб бориш билан таҳдид қилиш учун етарли кучга эга эмас”.

Мудофаа разведка бошқармасининг хулосалари Пентагон бош инспектори Роберт Сторч томонидан эълон қилинган АҚШнинг Украинага ёрдами ҳақидаги сўнгги чораклик ҳисоботига киритилган. “Замин” янгиликларини “Telegram”да кузатиб боринг