Иллюстратив фото: NGAD
АҚШ Россия ва Хитойнинг барча ядровий учиш майдончаларини 2 соат ичида йўқ қилиши мумкин. Бу ҳақда экспертлар Interesting Engineering порталига маълум қилди.
Таъкидланишича, агар зарурат туғилса, АҚШ ва унинг иттифоқчиларига Россия ва Хитойнинг барча учириш майдончаларини йўқ қилиш учун саноқли соатлар керак бўлади. Бу “бутун дунё учун ёмон янгилик, чунки у барқарорликка таҳдид солади ва турли муаммоларни келтириб чиқариши мумкин”.
Экспертлар АҚШ ва унинг иттифоқчиларининг қурол-яроғ ва зарба бериш имкониятлари бўйича устунлиги Россия ва Хитойда қўрқув уйғотишини айтмоқда. Бу эса қуролланиш пойгасига ҳисса қўшиши мумкин.
Тадқиқот АҚШ ва унинг иттифоқчиларининг одатий ракетага қарши мудофаа воситаларидан фойдаланган ҳолда ўз душманларига ноядровий превентив зарба бериш салоҳиятига қаратилган.
Мутахассислар турли халқаро ташкилотларни вазиятнинг жиддийлиги борасида тушунчага эга бўлишга ва ҳар икки томоннинг ҳам ядровий қуролсизланиш имконияти ҳақида мулоқот юритишга чақирмоқда.
Хусусан, тадқиқотда АҚШнинг яқинда эълон қилган 2026 йилгача Германияда узоқ масофали ракеталарни жойлаштириш режаси ҳақида сўз юритилади. Германиянинг жанубий ҳудудларида бундай қуролларнинг жойлаштирилиши Россиянинг қитъалараро баллистик ракеталарини учириш майдонларини ташкил этишига сабаб бўлиши мумкин.
АҚШ авиацияси қисқа масофали бомбалар, ракеталар, шунингдек, қанотли ва баллистик ракеталар ёрдамида уларни йўқ қилишга қодир. Қанотли ракеталарга JASSM-ER va -XR, Tomahawk, AMRAAM, SM-3 ва SM6-3 киради. Улар кўринмас бомбардимончи самолётлар, кемалар ва ер усти базаларидан учирилади.
Россия ва Хитой радарни аниқлашда сезиларли ютуқларга эришганига қарамай, ҳисоботда айтилишича, бу ҳали ҳам АҚШ ва унинг иттифоқчилари стелс тизимига қарши етарли эмас. Бундан ташқари, АҚШда мавжуд бўлган экипажли самолётлар ва дронлар қуролнинг таъсир доирасини кенгайтиради, шунингдек, зарба бериш учун зарур бўлган вақтни камайтиради.
Бундан ташқари, Аegis, Patriot, ТHААD ва бошқа ҳаво ҳужумига қарши мудофаа тизимлари АҚШга Россия ва Хитойнинг қитъалараро баллистик ракеталари, шунингдек, учирилгандан бир неча дақиқа ўтгач, уларни йўқ қилиш учун ишлатилиши мумкин бўлган “ҳаво-ҳаво” ракеталарини уриб тушириш имконини беради. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
