Қирғизистон Республикаси Ташқи ишлар вазирлиги Афғонистоннинг «Толибон» ҳаракати тақиқланган ташкилотлар рўйхатидан чиқарилганини тасдиқлади.
«Мамлакатнинг ваколатли давлат органлари томонидан пухта ўрганиб чиқилган ва ҳар томонлама баҳоланганидан сўнг «Толибон»ни Қирғизистон Республикаси ҳудудида тақиқланган ташкилотлар рўйхатидан чиқаришга қарор қилинди», дейилади департамент баёнотида.
Шунингдек, «бу қарор минтақавий барқарорликни мустаҳкамлаш ва мулоқотни давом эттиришга қаратилгани» қайд этилган.
«Қирғизистон Республикаси халқаро ҳамжамиятнинг Афғонистонда ва бутун минтақада барқарор ва тинч муҳитни таъминлашга қаратилган саъй-ҳаракатларини қўллаб-қувватлашга содиқ қолади», дейилади хабар якунида.
«Толибон» ҳукумати «Қирғизистон ҳукуматининг қарорини олқишлашини ва маъқуллашини» маълум қилди.
Аввалроқ, Қирғизистон оммавий ахборот воситалари мамлакат Бош прокуратураси тақиқланган террористик-экстремистик ташкилотлар рўйхатини эълон қилганига эътибор қаратган эди. Рўйхатда 20 та ташкилот бор, улар орасида «Толибон» йўқ эди. Толибон 2006 йил 15 сентябрда Бишкек суди қарори билан террорчи ташкилот деб тан олинган.
Эслатиб ўтамиз, Қозоғистон 2023 йил декабрида «Толибон»ни мамлакатда тақиқланган ташкилотлар рўйхатидан чиқарган эди. ТИВ бу қарорини БМТ Хавфсизлик Кенгаши томонидан террорчи деб тан олинган ташкилотлар рўйхатида радикал ҳаракат йўқлиги билан изоҳлади.
Кейинроқ Россия расмийлари ҳам «Толибон»ни «қора рўйхатдан» чиқариш режаларини эълон қилди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
