Фото: Reuters
Нефтнинг бир баррели 40 долларга тушса, Россия Украинага қарши урушни давом эттира олмайди. Бу ҳақда Доналд Трамп Ню-Йорк иқтисодий клубида сўзлаган нутқида айтиб ўтди.
«Агар ғалаба қозонсак, бу қиладиган ишларимдан бири. Президентликка сайланганимдан кейин бу урушни лавозимга киришгунимга қадар ҳал қилишимга ишонаман. Мен бу урушни ҳал қила оламан ва уни тўхтата оламан, чунки бу жуда, жуда даҳшатли уруш. Украинада жуда кўп одамлар ўлмоқда - сиз тасаввур қилганингиздан ҳам кўп», деди у.
Трамп урушни қандай қилиб тўхтата олиши ҳақида очиқ гапирмади. Аммо, Россияга уруш ҳаракатларини молиялаштиришга ёрдам берадиган юқори энергия нархларига барҳам беришни хоҳлаётганига ишора қилди.
«Путин нефтнинг бир баррели 100 доллар бўлса урушади, агар 40 доллар бўлса, умуман урушмайди», деди у.
Сайловда ғалаба қозонган тақдирда амалга оширадиган энергетика сиёсатига изоҳ берар экан, Трамп энергия нархини кескин пасайтириш ниятида эканлигини маълум қилди.
«Оёғимиз остида бошқа мамлакатлар, жумладан, Россия ва Саудия Арабистонига қараганда кўпроқ «суюқ олтин» бор. Менинг режам — 12 ой ичида энергия нархини икки баравар пасайтириш. Бу мамлакатимиз учун мисли кўрилмаган иқтисодий тикланиш бўлади», деди Трамп.
Республикачилар президентликка номзод Доналд Трамп илгари ҳам Украинадаги урушни қисқа муддатларда тўхтата олиши ҳақида кўп гапирган, аммо тафсилотларни очиқламаган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ Ғазо сектори бўйича янги режа тақдим этди
АҚШ расмийлари: Исроил ва ҲАМАС ўртасидаги келишув якунланиш арафасида
Фарғонада Cobalt’лар ортилган автотрейлер ЙТҲга учради
CNN таслим бўлган украиналик аскарларнинг отиб ташланиши акс этган видеони эълон қилди
Малайзия бош вазири Ғарбни иккиюзламачиликда айблади
“Кавказ асираси”да ҳеч ким пайқамаган хатолик: Шурикнинг сочи қанақа рангда?
Лавров «қизил чизиқлар бўйича ҳазиллашмаслик кераклиги»ни айтди
«Олтин тўп-2024». 30 кишилик якуний рўйхат эълон қилинди
