АҚШдаги заводдаги отишмада ишчилар ҳалок бўлди

АҚШнинг Теннесси штатида пўлат қуювчи заводда юз берган отишма оқибатида 3 киши ҳалок бўлди. Бу ҳақда маҳаллий полицияга иқтибос келтирган ҳолда ABC News телеканали хабар бермоқда, дейилади "Кун" нашрида.

Фожиа Атенс шаҳридаги металл конструкциялар ишлаб чиқарувчи Thomas and Betts заводида юз берди. Шаҳар полицияси бошлиғи отишмани заводнинг ишчиларидан бири уюштирганини маълум қилди. У ўз ҳамкасбларини ўлдиргач, ўзини отиб ташлаган.

Воқеа жойида тезкор гуруҳ иш олиб бормоқда. Полициячилар воқеа сабабини аниқлаштиришмоқда. Шерифнинг айтишича, агар завод ходимлари биринчи ўқ узишлардан кейиноқ қутқарув хизматига қўнғироқ қилмаганларида қурбонлар кўпроқ бўлиши мумкин эди. «Замин»ни Telegram’да ўқинг!