Австралиядаги йирик заводдаги портлаш ёқилғи бозорини хавотирга солди
Австралиядаги йирик нефть қайта ишлаш заводида газ сизиб чиқиши оқибатида портлаш ва ёнғин содир бўлди. Ҳолат натижасида корхонанинг бир қисми тўхтатилган бўлиб, бу ёқилғи етказиб бериш занжирида узилишлар хавфини келтириб чиқаради. Мутахассислар ушбу воқеа Яқин Шарқдаги кескинлик билан биргиликда глобал бозорда нархларнинг ошишига сабаб бўлиши мумкинлигини таъкидламоқдалар.
Австралияда жойлашган нефтни қайта ишлаш заводларидан бирида ёнғин содир бўлгани ва бу ҳолат глобал ёқилғи бозорига таъсир кўрсатиши мумкинлиги ҳақида BBC хабар бермоқда.
Гап мамлакатда ёқилғи маҳсулотларининг қарийб 10 фоизини таъминлайдиган йирик корхона ҳақида кетмоқда. Дастлабки маълумотларга кўра, газ сизиб чиқиши ортидан юз берган портлаш сабаб заводнинг бир қатор ишлаб чиқариш қувватлари вақтинча тўхтатилган.
Мазкур ҳолат етказиб бериш занжирида узилишлар хавфини кучайтирмоқда. Мутахассислар Яқин Шарқдаги кескин вазият фонида ушбу воқеа жаҳон ёқилғи бозорига қўшимча босим бериши ва нархларнинг ўсишини тезлаштириши мумкинлигини қайд этмоқда.
Изоҳлар 0
…