Венесуэла мухолифатидан президентликка номзод мамлакатдан қочиб, Испаниядан бошпана сўради.
Николас Мадуронинг сўнгги президентлик сайловидаги асосий рақиби 75 ёшли Эдмундо Гонсалес Испания ҳарбий самолётида Мадридга йўл олди. Бу ҳақда Испания ташқи ишлар вазири Хосе Мануэл Албарес маълум қилди. Гонсалеснинг адвокати бу маълумотни AFP'га тасдиқлади.
Аввалроқ Венесуэла вице-президенти Делси Родригес Х ижтимоий тармоғида Гонсалес Испаниядан сиёсий бошпана сўрагани ҳақида ёзган эди. «Фуқаро Эдмундо Гонсалес Уррутиа бир неча кун олдин Испаниянинг Каракасдаги элчихонасидан бошпана сўраб, мамлакатни тарк этган». Вице-президентнинг таъкидлашича, Венесуэла расмийлари «мамлакатда осойишталик ва сиёсий муросага эришиш» учун мухолифат етакчисига тегмаган.
Венесуэлада президентлик сайловлари 28 июль куни бўлиб ўтди. Мамлакат расмийлари овоз беришнинг батафсил натижаларини эълон қилмасдан, амалдаги давлат раҳбари Николас Мадурони ғолиб деб эълон қилди.
Мухолифат кенг кўламли сохталаштиришларни эълон қилди ва кўчаларда норозилик намойишлари бошланди. Тўқнашувлар натижасида 27 киши ҳалок бўлди, 2 мингдан ортиқ киши ҳибсга олинди. Охирги бир ой давомида полициядан қочиб юрган бирлашган мухолифат номзодини ҳибсга олиш учун ордер ҳам чиқарилган.
2 август куни Қўшма Штатлар Эдмундо Гонсалесни сайловнинг қонуний ғолиби дея баёнот эълон қилди. Бразилия, Мексика ва Колумбия етакчилари ҳам Мадуронинг ғалабасига шубҳа билдирди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
