Россия Мудофаа вазирлиги: НАТО Украинага қўшин юборишни режалаштирмоқда

^{© AP Photo / Vadim Ghirda}
НАТО давлатлари Киев формулалари бўйича Россияни музокараларга куч билан мажбурлаш учун шароит яратиш мақсадида Украинага ўз қўшинларини юборишни режалаштирмоқда. Бу ҳақда Россия мудофаа вазири ўринбосари Александр Фомин Пекиндаги 11-Сяншань хавфсизлик форуми очилишида сўзлаган нутқида маълум қилди.

“Россияни Киев формулалари бўйича музокараларга куч билан мажбурлаш учун шароит яратиш мақсадида НАТО давлатлари ўз қўшинларини Украинага юборишни режалаштирмоқда”, - деди у.

Фоминнинг таъкидлашича, бу ядровий кучлар ўртасида тўғридан-тўғри ҳарбий тўқнашувга олиб келиши мумкин бўлган хавфли ўйин.

12-14 сентябрь кунлари Пекинда Сяншань хавфсизлик форуми бўлиб ўтмоқда. Фомин форумда Россия делегациясига бошчилик қилмоқда. «Замин»ни Telegram’да ўқинг!