Фото: Kremlin.ru
Алдов йўли орқали Россия Мудофаа вазирлиги билан шартнома тузишга мажбурланиб, Украинадаги урушга юборилган 45 нафар Ҳиндистон фуқароси РФ армиясидан бўшатилди, деб хабар беради NDTV.
Ҳиндистон Ташқи ишлар вазирлиги баёнотига кўра, яна 50 нафар ҳинд фронтда қолмоқда. Ташқи сиёсий идора ҳозирда «уларни қутқариш ва озод этиш» бўйича барча саъй-ҳаракатларини ишга солган.
Июл ойида Владимир Путин Россия Украинадаги урушга жалб этилган барча ҳиндистонликларни армиядан бўшатиб юборишга ваъда берганди. Бу Ҳиндистон бош вазири Нарендра Моди Москвага ташрифи давомида ўртага қўйган талабидан кейин содир бўлди. «Сизнинг ўз ғояларингиз бор, жуда энергияга бой инсонсиз. Ҳиндистон ва ҳинд халқи манфаатлари учун натижага эришишни биласиз», — деган эди Путин Моди билан норасмий учрашувда.
Ҳиндистон ҳукумати 2024 йил бошидаёқ Украинадаги урушга жалб этилган ҳиндлар бўйича Москвага мурожаат қилганди. Хусусан, Ҳиндистон Ташқи ишлар вазирлиги РФ Мудофаа вазирлигидан ҳиндларнинг шартномалари тугамасидан армияни тарк этишларига рухсат беришини сўраган.
ТИВ маълумотларига кўра, ҳиндлар алдов йўли билан Россия армияси таркибига қўшилиб қолган. Дипломатларнинг таъкидлашича, Ҳиндистон ҳудудида урушга ёллаш билан шуғулланувчилар ҳиндларга «Россияда юқори маош тўланадиган ишни» ёки ОТМга ўқишга киритишда ёрдам беришни ваъда қилган, бироқ мамлакатга келиши билан уларнинг паспортлари олиб қўйилиб, шартнома тузишга мажбурланган.
Март бошларида Ҳиндистон Марказий тергов бюроси бир ой ичида Россия армиясига 35 нафарга яқин ҳинд жалб этилганини аниқлаган. Ўша вақтда уларнинг умумий сони юздан ошиши айтилган эди. Фуқароларнинг бир қисми жангда ҳалок бўлган, айримлари оғир яраланган.
Май ойида Ҳиндистон ҳуқуқ-тартибот идоралари маҳаллий фуқароларни Украинадаги урушга ёллаш билан шуғулланган жиноий тармоқни фош этганди. Тергов маълумотларига кўра, жиноятчилар ижтимоий тармоқлар орқали фаолият юритган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
