Фото: Видеодан кадр
РФ мудофаа вазири Андрей Белоусов РФ қуролли кучлари Бош штаби бошлиғи Валерий Герасимовга ФХХ аксилразведка бўлими билан биргаликда «Жанубий ҳарбий округнинг 87-алоҳида ўқчи полкининг Эрнест ва Гудвин чақирув белгили ҳарбий хизматчилари ўлими ҳақидаги хабарлар боғлиқ вазиятни ўрганиш»ни буюрган. ТАСС РФ мудофаа вазирлиги баёнотидан иқтибос келтирган ҳолда хабар беришича, Белоусов бу ишни шахсан ўз назоратига олган.
13 сентябр куни Z-блогерлар 87-алоҳида полк ҳарбийлари, дрон операторларининг разведка отряди командирлари Дмитрий Лисаков (лақаби Гудвин) ва Сергей Грицай (лақаби Эрнест) ҳалок бўлгани ҳақида хабар тарқатди. Лисаков ва Грицай қўмондонликни танқид қилишгани учун уларнинг гуруҳлари тарқатиб юборилгани ва ўзлари штурмчи бўлинмага қўшилгани ҳақида айтишганди.
Ҳарбийлар томонидан ёзилган видеомурожаат уларнинг ўлимидан кейин эълон қилинган, деб хабар беради «Медиазона». Лисаков ва Грицай 87-полк командири Игор Пузик гиёҳванд моддалар савдоси билан шуғулланиши ҳамда ғарб разведкасига ишлаши — гўёки дрон операторлари разведка отрядлари томонидан қўлга киритилган маълумотлардан фойдаланишга халал бериши ҳақида айтишган, шунингдек уни «шахсий адоват» туфайли қотиллик қилишда айблашган. Уларнинг тасдиқлашича, полк командири уларни муқаррар ўлимга юборишга қарор қилган, улар эса «қасамёд қилишгани, Ватан учун, бурчи бўлгани» туфайли рози бўлишган.
Astra нашри ёзишича, Лисаков ва Грицайнинг ўлимидан кейин эълон қилинишига келишилган видеода «ҳеч кимга ҳеч қачон РФ армиясида хизмат қилмаслик» маслаҳат берилган ва «раҳбариятнинг жиноятлари», шунингдек, командирлар қандай қилиб «ҳар куни алдаши» ҳақида айтилган.
Грицайнинг сўзларидан мурожаат Донецк областидаги Мемрик аҳоли яшаш манзилида туриб ёзилган, россиялик ҳарбийлар ушбу қишлоқ эгаллангани тўғрисида 9 сентябр куни эълон қилганди. Лисаков эса мурожаатида бу хабар ёлғон экани ва бундай ёлғонлар ҳар куни эълон қилинишини айтган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
