Фото: Украина Мудофаа вазирлиги
Курск области Глушково йўналишининг жанубида жанглар давом этмоқда. «Агентство.Новости» каналининг 14 сентябр куни хабар беришича, АҚШ Миллий аэронавтика ва космик тадқиқотлар бошқармаси (NASA) сунъий йўлдошлари Глушково райони Веселое қишлоғида ёнғинларни қайд этган.
Forbes таъкидлашича, бундан олдин Украина қуролли кучлари (УҚК) 6 август куни Украина қўшинларининг Курск областидаги ҳужумини кичикроқ миқёсда такрорлаган ҳолда «кутилмаган Украина операциясини» ўтказишга ҳаракат қилган.
«Янги жойдан, километрларга кирилди»
Украинанинг «Khorne Group. Цитадель 2.0 . Surprise for Russians» Telegram-каналига кўра, Украина «Багратион» операциясини амалга оширган. «Янги жойдан, километрларга кириб борилди. Мингдан ортиқ россиялик ҳарбий хизматчилар ўраб олиниш хавфи остида», — дейилади постда.
Ҳарбий таҳлилчи Ян Матвеев, ўз навбатида, Украина қуролли кучларининг Веселое қишлоғига бостириб киргани ҳақида ёзди. Унинг сўзларига кўра, у ердан Россия ҳарбийларининг понтон ўтиш жойлари жойлашган Глушковогача автомобил орқали 7,5 км масофа бор.
13 сентябр куни эълон қилинган геолокацион кадрлар Веселое жанубида (Глушководан жануби-ғарбда) Украина қўшинлари ҳаракатланаётганини кўрсатади, деб таъкидлади Америка урушни ўрганиш институти (ISW) экспертлари 14 сентябрдаги ҳисоботида.
Россиялик ҳарбий блогерлар Украина армиясининг Курск областидаги янги ҳужуми ҳақида ҳам хабар беришди. Улардан баъзилари Украина қуролли кучлари Веселоени эгаллаб олгани ҳақида хабар берган бўлса, бошқалари қишлоқ четида жанглар кетаётганини ёзган.
14 сентябр куни Россия Мудофаа вазирлиги Украина қуролли кучларининг «Россия Федерацияси чегараси орқали Новий Пут, Медвеже ва Веселое аҳоли пунктлари йўналиши бўйича ёриб ўтишга бўлган «бешта уриниши» қайтарилганини» даъво қилди.
Материални чоп этиш вақтида уришаётган томонларнинг баёнотларини тезда текшириш имкони йўқ.
Россиянинг Курск областидаги қарши ҳужуми
Россия қўшинлари Курск областида қарши ҳужумга ўтди. Бу ҳақда 12 сентябр куни Украина президенти Володимир Зеленский, шунингдек, Россия Мудофаа вазирлиги расман маълум қилди. Аввалроқ фақат норасмий манбалар Россиянинг қарши ҳужуми бошлангани ҳақида хабар берган эди.
Зеленский Курск яқинидаги воқеалар «Украина режаси» асосида содир бўлаётганини таъкидлади. Россия Мудофаа вазирлиги, ўз навбатида, аввалроқ Украина армияси томонидан босиб олинган ўнта аҳоли пункти устидан «назорат тиклангани» ҳақида хабар берди.
Бир кун аввал Украинанинг DeepState OSINT-лойиҳаси Россия армиясининг Курск областидаги ҳужум ҳаракатлари давомида рус қўшинлари зирҳли техникаларни Сейм дарёси ва минтақадаги кичикроқ дарёлар орқали ўтказишга муваффақ бўлганини ёзган эди. Россиянинг уруш тарафдори бўлган Telegram-каналлари ҳам Курск яқинида рус армиясининг қарши ҳужуми ҳақида эълон қилди. Бундан ташқари, «Россия қўшинлари томонидан ўнта аҳоли пунктини тозалаш ва назорат қилиш» ҳақидаги маълумот «РИА Новости» агентлигига «Ахмат» махсус кучлари қўмондони, генерал майор Апти Алаудинов томонидан тасдиқланган.
Суджи аҳолисининг қариндошлари гуманитар йўлак очишни сўради
Шу билан бирга, Россия Федерацияси Курск области Суджа шаҳри ва Суджа райони аҳолисининг қариндошлари Россия ва Украина президентларига, шунингдек, икки давлат омбудсманлари Татяна Москалкова ҳамда Дмитрий Лубинецга илтимос билан мурожаат қилишди. Улар тинч аҳолини ҳудуддан олиб чиқиш учун гуманитар коридор ташкил этиш ва аҳолини эвакуация қилиш бўйича музокараларни бошлашга чақирди.
Аввалроқ Украина Хавфсизлик хизмати ходими анонимлик шарти билан DW нашрига Россия қуролли кучлари Гордеевка қишлоғидан олдинга ўтиб, Суджа ғарбидаги Курск области Глушково районида қолиб кетган ўз қўшинлари гуруҳини озод қилишга уринаётганини айтган эди.
The New York Times газетаси август ойи охирида АҚШнинг номи ошкор этилмаган расмийларига таяниб, Украина қуролли кучларини Курск областидан сиқиб чиқариш учун Россияга камида 50 минг аскар керак бўлишини ёзган эди. Шу билан бирга, Курск яқинида Украина томонидан 10 мингга яқин ҳарбий хизматчилар жанг қилмоқда, деб таъкидлади нашр. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Италия суди Қуддус Исроил пойтахти эмаслиги ҳақида қарор чиқарди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
