Фото: Коммерсантъ
2024 йилнинг саккиз ойи давомида Россия Ички ишлар вазирлигининг Миграция департаменти Санкт-Петербургда мигрантларнинг 7119 та патентини ва Ленинград областида яна 5961 та патентини бекор қилди.
Қайд қилинишича, бу йил патентлар ўтган йилга қараганда анча кўп бекор қилинмоқда. Масалан, 2023 йил давомида Санкт-Петербургда 1723 та патент (фарқ 4 баравардан ортиқ), Ленинград областида эса 374 та (2024 йил январ - август ойларига нисбатан деярли 16 баравар кам) бекор қилинган эди.
Патент - бу Россиянинг бир субъекти доирасида маълум бир соҳада 1 ойдан 12 ойгача бўлган муддатга ишлаш ҳуқуқини берувчи ҳужжат. Уни олиш учун хорижлик бир қатор ҳужжатларни, жумладан, рус тилини ва Россия қонунчилиги асосларини билишини тасдиқловчи ҳужжатларни, миграция картасини, тиббий суғуртани ва шахсий гувоҳномани тақдим этиши керак. Шунингдек, Россияда патент бўйича ишлаётган чет эл фуқароси даромад солиғини олдиндан белгиланган миқдорда тўлайди. 2024 йилда Санкт-Петербург ва Ленинград областида бу миқдор 4600 рублни ташкил қилади.
«Россия Федерациясида чет эл фуқароларининг ҳуқуқий ҳолати тўғрисида» қонунга мувофиқ, агар мигрант ўзи ҳақида ёлғон маълумот берган бўлса ёки унга нисбатан жиноят содир этганлик учун суд ҳукми қонуний кучга кирса, агар мигрант гиёҳванд моддаларни истеъмол қилса, ОИВ билан касалланган бўлса, «Россия Федерацияси конституциявий тузумининг асосларини зўравонлик билан ўзгартиришни қўллаб-қувватласа» ёки «террористик ҳаракатларни режалаштирса» патент бекор қилиниши мумкин.
Қайд этилишича, 2024 йил январ-июл ойларида Россия бўйича берилган патентлар сони ўтган йилнинг шу даврига нисбатан 60 фоизга ошган (1 миллион 130 минг 718 тага). “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Италия суди Қуддус Исроил пойтахти эмаслиги ҳақида қарор чиқарди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
